BAUKAU(timorpost.com)—Pontu Fokal Klinika Veteranu David Alex Daitula Hospital antiga Ria-Mare Baukau, Leonel Guterres, infoma, durante fulan nia laran sira rejista pasiente hamutuk na’in 2.830 maka halo trataentu iha klinika refere.
Nia hatete, pasiente hirak ne’ebé mai halo konsulta iha klinika ne’e barak liu mai hosi komunidade baibain no veteranus balun ne’ebé mai hosi teritoriu nasional.
Nia esplika,liu husi rezultadu atendimentu konsulta ba pasiente sira sentru klinika David Alex Dai Tula identifika pasiente balun kondisaun grave nune’e obrigadu transfere ba hospital rejional Eduardo ximenes (HoREX) Baukau atu kontinua hetan tratamentu intensive.
“Durante Janeiru too Mai Fevereiru Ami rejista pasiente hamutuk 2380 kompostu husi veteranu no komunidade, Entre numeru hirak ne’e Ita Nia veteranu nain 6 Mak grave Ita transfere ba HoREX Baukau,”Dehan Pontu Fokal Klinika Veteranu David Alex Daitula hospital antiga Ria-Mare Baukau Leonel Guterres ba Timor Post Kuarta feira (13/3) iha Nia knar fatin.
Nia afirma, durante fulan Janeiru no Fevereiru moras ne’ebe rejistu a’as liu maka reumatik, hipertensaun, diabetes, ispa, pulmaun no tuberculose.
Maske klinika refere rejistu pasiente ho moras oi-oin no balun kondisaun grave maibe durante ne’e seidauk rejistu kazu pasiente ruma lakon vida.
“Durante nee Ami rejista pasiente ho moras oi-oin no balun kondisaun grave maibe durante ne’e seidauk rejistu kazu pasiente ruma lakon vida iha klinika, maske akontese lakon vida maibe husi klinika transfere ona pasiente ba hospital referal sira mak foin akontese lakon vida nee iha,” Leonel reforsa.
Iha fatin hanesan pasiente Domingas Pereira hatete, nia sente kontenti no orgullu halo tratamentu saude iha klinika ne’e tanba profesional saude sira halo atendimentu diak no lalais.
“Hau Sente kontenti wainhira Mai halo tratamentu iha Ita Nia Klinika nee tanba profesional saude Sira atende ho lais,”nia dehan.
Enkuantu total profisional saude ne’ebe dadaun ne’e ativu servisu iha sentru klinika david alex daitula kompostu enfermeiru nain 2 no mediku nain 6.
2,607 total views, 3 views today
Bele hare Video Seluk :
Subscribe to Timorpost
