BAUKAU (Timor Post.com)—Motorista diresaun Munisípiu Baukau-Lautem preokupa ho situasaun mota provizoria Waiak-Mulia bainhira tempu udan korrente mota boot labele ultrapasa.
Motorista Aurio C.G. Gaio hatete, kondisaun ne’e difikuldade tebes, bainhira udan hahú boot iha parte foho matebian oras balun de’it mota tun hakarak ou lakohi transporte hirak ne’e para oras ba oras iha mota sori-sorin hein too bee tun hafoin transporte hirak ne’e foin bele ultrapasa.
“Hanesan motorista husu ba governu liu-liu MOP atu konstrui ponte no valeta atu nune’e tempu udan atu la difikulta motorista sira. Tanba dala ruma pasajeiru balun urjente maibé labele liu tanba situasaun no kondisaun mota refere”. Dehan motorista Aureo Correia Guterres Gaio ba Timor Post Sábadu (14/4)
Nia haktuir, too oras ne’e ministériu relevante seidauk konstrui ponte ou manila ruma atu fasilita transporte sira bee ultrapasa bainhira iha situasaun udan.
Iha sorin seluk, motorista motor Aires B. Belo hatete, hanesan motorista sempre preokupa ho situasaun ne’e, bainhira udan transporte labele ultrapasa ba sorin tanba udan no korrente mota boot.
“Mota Ida ne’e dezde tempu okupasaun Indonesia konstrui ona pasadeira Atu ha fasil transporte públiku maibé Ita hakarak di’ak Liu monta de’it gorong-gorong nune’e tempu mota tun Ita halai livre ba mai bainhira la konstrui Ponte susar tebes tempu emerjénsia labele ba lalais “dehan Aires.
Situasaun nee halo motorista no pasajeiru husi Munisípiu Lautem, Baukau, hanesan postu administrativu Laga, Baguia no Kelikai atu hala’o viajen ba Dili obriga tenke hein lori oras barak bainhira korrente mota menus.
Mota provizória ne’e lokaliza iha fronteira entre suku Uaitame Postu Administrativu Kelikai no suku Seixál Postu Administrativu Baukau Vila .(gut)
1,740 total views, 21 views today
Bele hare Video Seluk :
Subscribe to Timorpost
