Manufahi(timorpost)—Suku Tutuluro, Postu Administrativu Same, Munisípiu Manufahi iha Aldeia hitu maka hanesan Aldeia Roin, Dalun, Sosemera, Bubulau, Ailau Hastetuk no Aldeia Batas, maibé Aldeia tolu asesu ona eletrisidade maka hanesan Aldeia Roin, Dalun, Sosemera.
Xefe suku Tutuluro, Benedito Amaral, hatete total xefe família hamutuk 457 no populasaun hamutuk 2.587, hosi númeru ne’e Aldeia haat maka seidauk asesu eletrisidade Aldeia Bubulau, Ailau Hastetuk no Aldeia Batas.
Iha ha’u nia Suku Tutuluro ne’e, iha Aldeia hitu total xefe família 457 no populasaun hamutuk 2.587, hosi Aldeia ne’e Aldeia tolu asesu ona eletrisidade maka hanesan Aldeia Roin, Dalun, Sosemera no Aldeia haat ne’ebé maka seidauk asesu Bubulau, Ailau Hastetuk no Aldeia Batas”, Benedito Amaral, informa ba jornalista iha nia kna’ar fatin sede suku Tutuluro, Kuarta (06/03).
Tanba ne’e nia nafatin husu ba estadu instala eletrisidade ba Aldeia haat ne’e atu nune’e bele asesu naroman hanesan aldeia tolu ne’e, labele halo balu naroman fali no balu iha nakukun laran fali.
Antes ne’e Xefe Unidade Eletrisidade de Timor-Leste Empreza Públika (EDTL-EP), Julio Pacheko Pinheiro, resposta katak, eletrisidade ba Aldeia haat iha Suku Tutuluro ne’e tama tiha ona iha planu.
“Ba Aldeia haat ne’e tama ona ba iha planu no tempu badak nia laran loke ona tender ba públiku kona-ba konstrusaun no instalasaun”, nia hakotu.
2,247 total views, 3 views today
Bele hare Video Seluk :
Subscribe to Timorpost
