MANUFAHI–Komunidade husu governu foun ne’ebé atu kaer ukun iha tinan 2023 ba oin keta haluhan tau prioridade ba ponte mota Suhin no ponte Mota karau ulun atu nune’e hodi fasilita movimentu transporte ba mai.
Ba Timor post Komunidade aldeia Raikesa, suku Aituha, postu administrativu Alas, munisípiu Manufahi, Alexandrino da Costa dehan, ba daudaun ne’e suku Aituha asesu ona ba liña eletrisidade, maibé fali tau prioridade ba ponte.
“Ami asesu ona eletrisidade no nafatin ami husu hadi’a estrada no halo ponte ba mota rua nune’e komunidade bele la’o ba mai” dehan Alexandrino ba Timor Post, Sesta (14/04).
Tuir nia katak, ponte ne’ebé husu atu halo ne’e tanba ligasaun komunidade postu Fatuberliu, Alas no postu Turiskai ba mai.
“Ponte ne’e importante tebes tanba durante ne’e komunidade sai vítima ba mota, enkuantu mota karau ulun maski iha ona ponte tara maibé fasilita de’it ema la’o ain no motor maibé karreta labele”, nia hakotu.
1,224 total views, 9 views today
Bele hare Video Seluk :
Subscribe to Timorpost
