DILI—Vendedór Merkadu Manleuana, Flaviano Ximenes, dehan hariis fatin iha merkadu ne’ebá tolu la funsiona, vendedór sira uza lisuk hariis-fatin ida de’it.
Nia dehan, hariis fatin ne’ebé governu prepara ne’e hamutuk haat, maibé tolu aat ona agora sira uza lisuk ida, maibé tenke malu, tanba ema barak.
“Ami agora daudaun uza de’it hariis fatin ida, maibé hariis fatin tolu mak la uza, tanba sirkulasaun bee ba iha hariis fatin la iha”, Flaviano Ximenes, konta ba Jornalista sira iha merkadu Manleuana, Sesta (14/04).
Nia hatete, hariis fatin ida de’it mak ema hein dadeer saan ne’e hahú hosi tuku lima to’o ema sempre nakonu hela de’it, ida sai ida tama fali.
“Tanba ne’e mak ami husu ba governu se bele hadi’a fali harii fatin tolu ne’ebé mak durante ne’e aat ne’e, atu nune’e ami bele uza, labele hein malu, tanba iha merkadu ne’e negosiante barak, entaun hariis fatin mós tenke barak”, nia husu.
“Ami sente la seguru tanba hariis fatin ne’ebé ami uza ho kondisaun ne’ebé mak la di’ak, tanba odamatan mós aat hotu, negosiante balu ba uza la ho konxiénsia, soe fo’er arbiru iha hariis fatin laran, negosiante balu ba uza maibé la tau bee”, nia kestiona.
960 total views, 3 views today
Bele hare Video Seluk :