Dili(timorpost.com)—Iha tempu badak Autoridade Inspesaun no Fiskalizasaun Atividade Ekonomia Sanitaria no Alimentár, Institutu Públiku (AIFAESA,I.P.) hamutuk ho kompañia halo reabilitasaun ba laboratóriu hodi teste sasán ne’ebé deskonfia liu prazu.
“Horisehik ha’u relata planu halo reabilitasaun laboratóriu iha Tibar ba Ministru Koordenadór Asuntu Ekonomia, Francisco Calbuadi Lay aseita no mós tau atensaun hodi halo dezeñu BOQ hamutuk ho Ministériu Obra Públiku (MOP)”, Inspetór Jerál AIFAESA, I.P. Ernesto Monteiro, informa ba jornalista iha nia servisu fatin Matadouru, Tersa (20/02).
Ernesto konta, Ministériu Finansas atu nune’e funsionáriu tékniku sira iha tempu badak hamutuk ho kompañia hodi halo reabilitasaun ba laboratóriu refere hodi fasilita servisu AIFAESA,I.P nian iha terrenu.
Tanba ne’e maka hosi Japan ho Indonézia husu AIFAESA,I.P atu lalais halo reabilitasaun ba laboratóriu hodi nune’e sira bele haruka ekipamentu mákina teste ai-han no halo ezaminasaun ba ai han. Enkuantu orsamentu ho montante hamutuk rihun 200 resin USD hodi halo reabilitasaun ba laboratóriu refere.
Antes ne’e mós Akademista Universidade Dili (UNDIL), Alfredo dos Santos, husu AIFAESA, I.P. atu estabelese rasik sira nia laboratóriu hodi nune’e kontrolu produtu importasaun sira ne’ebé fa’an iha merkadu deskonfia liu prazu bele hatene produtu ne’e kualidade ka lae.
4,245 total views, 6 views today
Bele hare Video Seluk :
Subscribe to Timorpost
