Raeoa(timorpost.com)—Komandante Operasionál Autoridade Protesaun Sivíl (APC, sigla Portugés), Rejiaun Administrativa Espesiál Oekusi Ambenu (RAEOA), Inspetór Xefe Herman Metan, hatete APC fó ona apoiu ba vítima dezastre naturais hamutuk 289.
Tuir nia, apoiu ne’ebé maka Autoridade Protesaun Sivíl, atribui ba vítima dezastre naturais, apoiu ai-han no la’ós ai-han.
“Dezastre naturais akontese husi fulan Janeiru 2023 to’o ohin loron, Autoridade Protesaun Sivíl, hamutuk SRESS, konsege fó apoiu emerjénsia komunidade vítima dezastre naturais, hanesan ahi han uma, anin sobu uma, inundasaun, hamutuk 289,”Timor Post asesu liuhosi Rádiu Komunidade Atone Lifau, Domingu (11/02).
Tanba ne’e, tempu badak Autoridade Protesaun Sivíl, mós sei halo rekuperasaun ba komunidade sira nia uma ne’ebé durante hetan estragu husi dezastre naturais.
APC RAEOA husu ba komunidade sira iha Suku 18 ho aldeia 63 ba labele halo uma iha fatin ne’ebé konsidera risku.
“Ha’u husu ba komunidade sira iha hotu RAEOA, labele hela iha fatin risku sira, hanesan mota ninin, tasi ninin, foho lolon no fatin sira seluk tan, atu nune’e bele minimiza dezastre naturais iha Oekusi”, nia hakotu.
1,284 total views, 3 views today
Bele hare Video Seluk :
Subscribe to Timorpost
