ADVERTISEMENT

Guarda Floresta Ataúru Enfrenta Problema Barak

Marcos Fernandes - Atauro · Ekonomi · Munisípiu
Jornalista : Amelia Soares Babo
Editor : Marcos Fernandes
  • Share
Xefe Senior Guarda Floresta Ataúru Bernardo Soares,

Ataúru(timorpost.com)—Tinan naruk ona, guarda floresta Autoridade Administrativa Ataúru, hasoru problema kona-ba edifísiu, transporte no rekursu umanu menus, difisil tebes atu kontrola rekursu naturais iha Ataúru.

Xefe Senior Guarda Floresta Atauru, Bernardo Soares, hatete, daudaun ne’e pesoal Guarda Floresta, na’in-lima de’it, maibé permanente na’in-ida no kontratadu na’in-hat.

ADVERTISEMENT
SCROLL FILA BA NOTISIA


“Ami hasoru dezafiu tanba menus rekursu umanu, laiha motorizada difikulta mós ba servisu kontrolu sasán ilegal ne’ebé komunidade pratika iha terenu,”Bernardo informa ba Timor Post, iha Salaun Administrasaun Villa-Maumeta, Sesta (09/02).

Nia relata, pesoal guarda floresta na’in-lima de’it la sufisiente hodi bele kontrola rekursu naturais no area protejidu iha Atauru, Atauru ne’e rasik iha area protejidu no fatin turizmu domestiku nofatin ekoturizmu barak, nune’e presiza proteje no promove atu komunidade labele estraga.

Lee Mós :
Povu Hein CNRT Salva Estadu

“Ami nia preokupasaun maka seidauk iha edifisiu propriu, hodi utiliza atu halo servisu no mós problema seluk maka motorizada ka karreta hodi tula pesoal guarda sira,atu kontrola iha suku lima ne’ebé identifika area protejidu, hodi nune’e labele estraga rekursu naturais”, nia ezije.

Daudaun ne’e,membru Guarda Florestauza edifisiu Postuiha Suku Beloi, maibé kondisaun aat hela,obriga tenke uza hodi halo servisu atu kontrola sasán ne’ebé tama ilegal.

Lee Mós :
MPM-IFC Organiza Seminariu Armajenamentu Karbonu

Nia husu ba Sekretariu Estadu Floresta (SEF), Fernandinho Vieira, atu tau mós konsiderasaun ba problema hirak ne’ebémaka membruGuarda Florestasira hasoru.

“Ami ezije ba Sekretariadu Estadu Floresta, se bele aloka pesoál Guarda Floresta balun mai iha Atauru, hodi fasilita servisu iha terenu, daudaun ne’e rekursu umanu menus difisil atu kontrolu iha area protejidu sira, husu mós atu distribui motorizada balun mai iha Atauru, hodi uza ba kontrola iha terenu”, nia husu.

Daudaun ne’e prepara hela hodi hatama proposta ba SEF, atu halo konstrusaun foun ba Edifisiu Guarda Floresta iha Atauru, nune’e sira prende komunidade estraga sasán ilegal ruma bele tau iha edifísiu.

Lee Mós :
Uma UNP Tolu Iha Baukau Abandona

Iha fatin hanesan, Xefe Suku Beloi, Adão da Costa Nunez, ezije ba Sekretariu Estadu Floresta, atu rekruta Funsionáriu Guarda Floresta,hodi aloka ba iha Atauru,nune’e bele kontrola rekursu naturais iha Atauru.

Atauru ne’e fatin turizmu barak, maibé presiza kontrola másimu, atu komunidade labele estraga ai-horis arbiru, ikus mai mosu erozaun no mós bele kontribui ba dezastre naturais.

 663 total views,  3 views today

Oinsa Ita nia Reaksaun iha Notisia Nee?
Like
Love
Haha
Wow
Sad
Angry
You have reacted on “Guarda Floresta Ataúru Enfrenta Problema Barak” A few seconds ago

Bele hare Video Seluk :
  • Share
ADVERTISEMENT
SCROLL FILA BA NOTISIA

Notisia Timorpost Seluk


Komentariu :
Timorpost.com. Respeita tebes Ita Nia opiniaun. Laran luak no uza etika bainhira hatoo opiniaun. Opiniaun iha Ita Nia responsabilidsde, tuir lei ITE.

Varanda
Kategoria
Video
Buka
Watch
Facebook
error:
Simu Notifikasaun Hosi Timor Post Online! OK No