(Reportajen Florindo Coluna/Editor Mateus da Cruz)
LOSPALOS— Primeiru Vise Juventude Demokrátiku Munisipiu Lautem, Joni Takur, husu ba joven demokrátiku tenke fó votu absoluta ba kandidatu númeru-2, Francisco Guterres Lú Olo, tanba juventude PD maka jerasaun kontinuisaun heroi Fretilín nian.
Deklarasaun ne’ebé vise Juventude demokratiku Lautem, Joni Takur hato’o públiku iha kampaña Kandidatu númeru-2, Francisco Guterres Lú olo ba loron da-tolu iha kampu eis Asrama 744 Lospalos, Sábadu,(09/04).
“Ami sei hamutuk ho Fretilín ita sei fó votoria ba Kandidatu Francisco Guterres Lu olo manan iha eleisaun segundu volta ida ne’e”, dehan Primeiru Vise Juventude Demokratiku Munisípiu Lautem, Joni Takur iha komisiu da-tolu kandidatu Lú Olo iha Lospalos, Lautem.
Nia afirma, pozisaun hodi fó apoiu ba kandidatu prezidente Francisco Guterres Lu olo, tanba juventude demokratiku tenke hatuur nia an hanesan jerasaun kontinuisaun ba heroi sira, juventude demokratiku maka jerasaun Fretilin nian.
Nune’e nia husu komunidade Lautem tomak atu vota ba kandidatu númeru-2 Fracisco Guterres Lu olo hetan vitoria hodi hatuur konstituisaun no garantia estabilidade governativa ba moris di’ak povu tomak nian.
“Ita jerasaun foun, jerasaun kontinuasaun ba ita nia aman sira, heroi sira, PD maka jerasaun Fretilin nian, tanba ne’e labele tabele ema ida de’it”, Joni hateten iha komisiu.
Tuir nia entre kandidatu rua iha segundu ronde eleisaun prezidensial ne’e so úniku Kandidatu Francisco Guterress Lu olo. Tanba ne’e tempu ona jerasaun demokratiku hamutuk hodi fó vitoria ba Lú Olo asume tan segundu mandatu iha Palasiu prezidensial Bairopite.
“Úniku ita nia kamarada Lu olo maka sei hadomi ninia povu, joventude hamriik ona hodi vota ba númeru-2, Lu olo, ida ne’e maka ita nia vitoria”, katak Joni Takur.
Nia la preokupa kona-ba insultu sira ne’ebé mosu iha média sosiál ba nia deklarasaun hodi fó apoiu ba Lú olo, maibé sira sei hamutuk ho Fretilin tama sai uma dere odamatan PD nian no komunidade tomak hodi vota ba Lú Olo manan maioria absoluta iha Munisipiu Lautem.(Lee Notísia Seluk Iha Jornál Timor Post/Asesu YouTube)
1,401 total views, 3 views today
Bele hare Video Seluk :