DILI—Relasiona ho diploma ministeriál liuliu artigu 8 pontu 4 regula kondutór transporte públiku, atu bele hatais farda, se motorista la uza uniforme kontra lei, durante hala’o sirkulasaun iha kapitál Dili.
Xefe Departamentu Tráfiku no Terminais (DNTT), Abel da Conceição, aviza ba kondutór transporte públiku hotu, atu bele hatais farda bainhira halo movimentu ba mai iha sidade laran ho pasajeiru.
“Ha’u rekomenda ba kondutór transporte públiku sira labele halo infrasaun ba dekretu Governu artigu 8 pontu 4 tenkesér hatais farda,” nia informa ba Timor Post iha Terminal Bekora, Kinta (13/04).
Nia esplika, kondutór sira tenke kuidadu osan ne’ebé mai husi knaar profisionál nu’udar motorista, entaun, hakarak ka lakohi tenser hatais farda atu bele buka nafatin osan.
“Tan osan mak imi servisu, se osan iha karik oras ne’e imi lalika servisu hanesan kondutór, bele toba de’it iha uma, entaun tenke kumpre lei, atu imi kontinua servisu ho di’ak”, nia hateten.
Iha diploma ministerial obriga kondutór transporte públiku sira, tenke hatais farda hodi hatudu katak servisu ida kondutór mós hanesan profisionál ida.
“Ita boot sira kondutór transporte públiku, tenkesér hatais farda, atu hatudu imi nia profisionál”, nia dehan.
Tanba ne’e, nia husu ba kondutór hothotu, labele hatais de’it kamiza kalsa la hatais, hatais kalsa kamiza la hatais labele, ida ne’e, kondutór rasik mak diskrimina direitu profisionál sira nian.
1,653 total views, 3 views today
Bele hare Video Seluk :
Subscribe to Timorpost
