DILI (timorpost.com)—Peskizadór Asia Justice and Rights (AJAR), Inocêncio de Jesus Xavier, husu Primeiru Ministru Kay Rala Xanana Gusmão atu lalais foti medida ba Ministru, ministra inkapasidade sira.
“Ha’u hanoin remodelasaun ka re-estrutura governu ne’e importante, muda Ministru ba fatin seluk ka hasai Ministra ka Ministru ne’ebé inkapasidade, “dehan Inocêncio ba Timor Post iha nia knaar fatin, Sábadu (16/03).
Nia dehan, estadu ida ne’e la’ós partidu rua ne’ebé mak agora daudauk ukun ne’e lae. Estadu ida ne’e ema Timor oan nian hotu, entaun Timor oan ne’ebé iha kapasidade primeiru Ministru hare katak bele servisu ho nia bele bolu, hanesan agora daudaun Prezidente Repúblika no Primeiru Ministru konvida kuadru Fretilín ba sai embaixadór, ida ne’e la iha buat ida karik hakarak sai ministru no sekretáriu estadu.
“Duké tau ema ita nia moos la hatene halo servisu, ikus mai governu mak lori todan, ne’ebé ami hanoin primeiru Ministru tenke realiza nia kompromisu sira durante nia halo reforma Marsu nian laran ne’e, ka re-estrutura ne’e tenke konstitui, tanba ita ko’alia kona ba integridade, se primeiru Ministru aprezenta razaun primeiru Ministru la konsisténsia iha deklarasaun, “Hakotu.
3,330 total views, 3 views today
Bele hare Video Seluk :
Subscribe to Timorpost
