ADVERTISEMENT

Sentru Saúde Formoza Rejista Kazu Dengue 151

Mateus da Cruz - Dili · Munisípiu
  • Share
Xefe Sentru Saude Formoza, Jaime Reis dos Belo, Imajen TP/ ina

(Reportajen Estaziadu Mariano Abi/Editor Mateus da Cruz)

Dili (Timor Post) – Durante Janeiru to’o agora Sentru Saude Formoza rejista ona kazu dengue hamutuk 151,  kazu ne’e sa’e maka’as kompara ho tinan kotuk ne’ebé rejista de’it kazu 111.

ADVERTISEMENT
SCROLL FILA BA NOTISIA

“Iha tinan kotuk kazu dengue iha Sentru Saúde Formoza (CSF sigla portugés) hosi fulan Janeiru to’o Dezembru hamutuk 111, kompara ho tinan ida ne’e, foin semana sanulu, sa’e ba 151, liu fali tinan kotuk,”dehan Xefe Sentru Saude Formoza (SSF), Jaime Dos Reis Belo, iha nia knaar fatin, Klinika Formoza.

Nia hatete, hahú semana dahuluk fulan Janeiru nian rejista kazu 32, tama ba fulan Fevereiru rejista kazu 100 no iha Marsu nia laran tama ba semana rua rejista tan kazu 11.

Lee Mós:
PNTL Bandu Karreta Tula Kontentór Movimentu Iha Loron

Kazu ida ne’e tuir Xefe Sentru Saude Formoza (SSF), ne’e sa’e maka’as tanba daudaun ne’e ai-moruk abate laiha, problema ida fali maka tanba durante ema hotu preokupa liu ba Covid-19 no laiha komunikasaun diak konaa dengue no laiha promosaun saúde nune’e maka númeru moras ne’e sa’e maka’as.

Maibé tanba daudaun ne’e númeru Covid-19 iha Timor Leste ladún ona, nune’e sira nia parte hahú  hala’o promosaun saúde no ba komunidade sira iha baze.

Problema ne’ebé oras ne’e Sentru saúde hasoru maka transporte atu tula médiku sira durante ne’e defisil, maski nune’e médiku sira esforsu maka’as hodi tun baze hodi atende pasiente sira.

Antes ne’e, Ministra Saúde  Odete Maria Freitas Belo, alerta ba sidadaun hotu atu foti medida prevene no hakotu siklu dengue hodi labele hadaet tan ba komunidade sira.

Lee Mós:
HAK Apresia Prezidente RDTL Kritika Parlamentu Nasionál

Nia hatete, medida ne’ebé komunidade tenke halo maka liu hosi asaun sira hanesan halo limpeza ba bee nalihun sira, fakar hotu bee ne’ebé akumula iha botir, kalen, masa, nuu kulit, vazu aifunan no hamoos tanke bee minimu semana ida dala ida, no taka metin bee fatin hanesan tanke, bidon, jerigen, no balde atu nune’e bele hamate susuk nia tolun ho ninia larva iha komunidade sira nia uma.

Liu hosi asaun sira ne’e maka bele hakotu siklus moris susuk nian no susuk sei la tata ema no moras ne’e sei la hadaet ba mai tan.

Lee Mós:
25 Fevereiru, Kalendáriu Final Selesaun ba Estudante Foun UNTL

Moras dengue Iha Timor Leste hahú kedas desde dezembru 2021, ho inisiu 2022 Kazu ne’e Aumenta lalais, tuir dadus estatístiku Diresaun Nasionál Saúde Públika liuliu Departamentu Vijilánsia Epidemolojia, Ministériu Saaúde (MS), hahú janeiru to’o agora pasiente dengue sa’e ba 2.555, óbitu na’in-33.

Maioria kazu deteta hosi Baucau 105, Bobonaro 32, Lautem 100, Manatuto 153, Liquiça 82, Ainaro 35, Viqueque 53, Aileu 69, Dili ho totál 1.640, Covalima 92, Ermera 90 no Manufahi 101.(Lee notisia seluk iha jornal Timor Post/asesu you tube Timor Post)

 426 total views,  3 views today

Oinsa Ita nia Reaksaun iha Notisia Nee?
Like
Love
Haha
Wow
Sad
Angry
You have reacted on “Sentru Saúde Formoza Rejista Kazu Dengue 151” A few seconds ago
  • Share
ADVERTISEMENT
SCROLL FILA BA NOTISIA


Notisia Timorpost Seluk


Komentariu :
Timorpost.com. Respeita tebes Ita Nia opiniaun. Laran luak no uza etika bainhira hatoo opiniaun. Opiniaun iha Ita Nia responsabilidsde, tuir lei ITE.

Varanda
Kategoria
Video
Buka
Watch
Facebook
error: