ADVERTISEMENT

PNDS Tenke Konsidera Komunidade Nia Ezijénsia

Orlando Oqui - Manufahi
Jornalista : Luis Casemiro Lopes
Editor : Noemio Falcao
  • Share
Administardor Munisipiu MAnufahi, Arantes Isaac Sarmento, Imajen: Tatoli.IP

MANUFAHI—Administradór Munisípiu Manufahi, Arantes Isaac Sarmento hatete, Programa Nasionál Dezenvolvimentu Suku (PNDS) iha tanba ezijénsia husi komunidade sira rasik husi suku no aldeia.

Tanba ne’e, Arantes husu ba ekipa PNDS husi suku to’o munisípiu tenke rona no konsidera ezijénsia komunidade sira nian.

ADVERTISEMENT
SCROLL FILA BA NOTISIA


Arantes levanta kestaun ne’e bainhira partisipa iha sosializasaun ba alterasaun dekretu lei PNDS númeru 94/2022/ 28 fulan-Dezembru matadalan PNDS no programa Uma Naroman ba Povu (UNP) ba diretór sektorál no serbisu munisipál inklui autoridade no ekipa PNDS iha suku iha munisípiu Manufahi, Sesta (24/02).

Sosializasaun ne’e relasiona ho programa governu nian ne‘ebé agora daudaun implementa hela programa PNDS regular no Uma Naroman ba Povu (UNP) iha territóriu Timor laran ne’ebé maka implementa fazeadamente.

Lee Mós :
Deskonfia Oknun PM Ida Kasa komunidade Nia Karau iha Same

Iha ámbitu sosializasaun ne’e Administradór Arantes husu ekipa PNDS labele rona liu fali autoridade lokál no postu to munisípiu sira hodi ignora tiha ezijénsia komunidade sira nian.

“Ita tenke halo tuir sira nia ezijénsia no labele haree fali xefe suku ho administradór postu sira nia ezijénsia,” Arantes subliña.

Administradór dehan, halo buat ida la hare ba ezijénsia komunidade ikus mai komunidade kestiona fali ne’e sente duvida no mosu pergunta boot.

“Ne’e-duni ho sosializasaun ne’e husu autoridade suku no postu atu partisipa másimu hodi entende didi’ak nune’e programa tuir mai implementasaun labele mosu tan kestiona barak husi komunidade,” nia sujere.

Lee Mós :
Komunidade Bidu no Tebe Hein Prezidente Republika

Fatin hanesan xefe unidade avaliasaun, kapasitasaun no monitorizasaun PNDS, Marcio J. Marcal F. Livre esplika, mudansa mata dalan implementasaun PNDS iha tina 2023 mai hosi rekomendasaun barak.

Nia dehan, rekomendasaun sira husi ekipa postu administrativu, munisípiu to’o nasionál kona-ba implemensaun PNDS hahú husi tinan 2013-2021 husi rezultadu monitorizasaun no supervizaun husi ekipa PNDS nian.

Tanba ne’e Dekretu lei PNDS númeru 8/2013/26 fulan-Juñu agora halo ona aliterasaun ba da-haat, aliterasaun  dekretu lei númeru 94/2022/28 fulan-Dezembru. Altersaun ne’e fó kompeténsia ba nivel munisípiu no postu iha natureza rua diferente ho tinan rua liu ba.

“Nivel postu administrativu iha desizaun ida bazeia ba dekretu lei 94/2022 no munisípiu iha atividade rua fó kompeténsia la hanesan, atividade ba PNDS regular no atividade UNP,” nia subliña.

Lee Mós :
Deskonfia CB Oho feen Kaben Iha Aldeia Riatu

Ne’e-duni fó  kompeténsia ba munisípiu no postu iha aliterasaun dekretu hirak ne’e halo mudansa lubuk ida inklui estrutura lideransa komanditária, aliña mós iha estrutura ekipa jestaun suku PNDS.

Tuir observasaun Timor post nota katak, partisipante ne’ebé partisipa mai husi administradór postu fatin 4, xefe suku, Diretór serbisu munisípiu, serbisu delegasaun, ekipa jestaun sukun inklui segundu komandante polísia munisípiu Manufahi.

 1,816 total views,  6 views today

Oinsa Ita nia Reaksaun iha Notisia Nee?
Like
Love
Haha
Wow
Sad
Angry
You have reacted on “PNDS Tenke Konsidera Komunidade Nia Ezijénsia” A few seconds ago

Bele hare Video Seluk :
  • Share
ADVERTISEMENT
SCROLL FILA BA NOTISIA

Notisia Timorpost Seluk


Komentariu :
Timorpost.com. Respeita tebes Ita Nia opiniaun. Laran luak no uza etika bainhira hatoo opiniaun. Opiniaun iha Ita Nia responsabilidsde, tuir lei ITE.

Varanda
Kategoria
Video
Buka
Watch
Facebook
error:
Simu Notifikasaun Hosi Timor Post Online! OK No