(Reportajen Korespondente Manufahi, Luis Casimiro/Editor Mateus da Cruz)
MANUFAHI— Kondutór karreta mikrolete, Diresaun ba mai Merkadu Same-Holarua halo asaun ‘mogok’ kuaze oras haat nia laran, tanba pasajeiru sira selu de’it sentavu 0.25 USD.
“Ohin ami la halai karreta tanba pasajeiru selu la tuir tarefa ne’ebé iha no tuir tarefa pasajeiru selu sentavu 0,50 maibé agora pasajeiru selu de’it 0,25,” dehan, kondutór mikrolete 02, Venánsiu Tilman, ba Timor Post iha dalan Diresaun Holarua.
Tuir Venánsiu, karta ne’ebé sira hetan hosi Diresaun Nasionál Transporte Terrestre (DNTT) katak pasajeiru baibain selu 0,50 no estudante selu 0,25.
“Maibé agora pasajeiru sira hatún tiha presu selu de’it centavo 0,25 nune’e impaktu ba rendimentu kondutór sira kada loron,” nia dehan.
Nia hatutan, uluk mina presu sei normal, pasajeiru selu sentavu 0,25 bele hela maibé agora mina sa’e tiha ba dollar sanulu sentavu rua nulu.
“Ho mina sa’e ami halai dadeer to’o lokraik hetan de’it dollar rua nua no balun halai maka’as bele hetan to’o dollar tolu nulu” nia dehan.
Maibé agora presu mina sa’e nune’e kondutór 02 diresaun Holarua-Merkadu kuaze sanulu (10) resin desidi la movimentu hodi ‘mogok’ de’it iha dalan atu ezije pasajeiru selu tuir estandar 0,50.
“Serake agora mina sa’e ba dollar ida sentavu rua nolu no presu refere sa’e kuaze besik ona fulan-ida,” nia hakotu.(lcl).
1,229 total views, 3 views today
Bele hare Video Seluk :
Subscribe to Timorpost
