(Reportajen: Gilberto dos Santos / Editór: Isabel Ermelita)
DILI (Timor Post) — Forum Organizasaun Noun Governamentál Timor-Leste (FONGTIL) husu ba prezidente autoridade RAEOA atu relata ba povu kona-ba ezekusaun Orsamentu Jerál Estadu 2021.
Diretór ezekutivu FONGTIL, Daniel Santos do Carmo, afirma katak ezekusaun orsamentu jerál estadu 2021 tama ona trimestre primeiru kompleta fulan neen.
“Saida mak FONGTIL hetan husi ezekusaun ministériu hotu nian, haree katak ezekusaun iha RAEOA ki’ik liu foin 7%,” relata diretór FONGTIL ba jornalista sira liuhusi komprensiva imprensa iha Kaikoli, Sesta (02/07).
Nia dehan, bazeia ba dadus husi total transparénsia, nune’e FONGTIL husu ba prezidente RAEOA atu relata ba públiku progresu no dezafiu sira relasiona ho estatutu ró Haksolok.
FONGTIL apela mós ba sidadaun timor-leste hotu no media tomak atu ita lian ida de’it ezije ba prezidente RAEOA atu pronunsia ba públiku kona-ba ró Haksolok nia paradeiru.
Tanba osan ne’ebé aloka ba ou halo no sosa ró Haksolok ne’e, osan povu nian no povu iha direitu atu hetan kontabilidade, Haree husi nia alokasaun ba ró Haksolok no ró refere bainhira los mak mai Timor-Leste.
Nune’e husu ba KAK atu kontinua aselera investigasaun ba paradeiru ró Haksolok ne’ebé to’o agora sei iha polémika. (Lee Notísia Seluk iha Jornál Diáriu Timor Post)
862 total views, 3 views today
Bele hare Video Seluk :
Subscribe to Timorpost
