DILI (Timorpost.com)—Polemika Aviaun Zona Ekonomia Sosial Merkadu (ZEESM), tuir kontratu Akizisaun 2015 Aviaun sosa ho valor kontratu 8.1 milliaun, no sosa tutan ona la’os husi fabrika maibe husi kompañia Lessor ida ho naran CAVU Aviation Finance LLC.
Notisia ne’e konfirmadu no Timor Post hetan husi fontes kredivel balun ne’ebe lakohi hatete nia identidade.
Fontes ne’e haktuir, Aviaun ne’e laiha nia Bill of Sale, prosessu Akizisaun ne’e RAEOA ho CAVU Aviation Finance desidi Broker Agent ida mak sai hanesan fasilitador entre parte rua, entaun prosesu pagamento sira atu ba CAVU liu hotu ba konta bankaria Broker agent ne’e nia konta maka foin atu ba CAVU finance ne’e.
No entantu konkordansia liu husi broker ne’e, sira halo agreement ida ho naran Aircraft Purchase Agreement (agreement ne’e estabelese hodi define pontus sira, hanesan obrigasaun husi Seller no mós Buyer, direitu husi Seller no Buyer, depois mós indika broker ne’e tama no define mós broker ne’e nia funsaun atu fasilita prosesu Akizisaun), alem de ne’e mós iha akordu ne’e sita katak bainhira to’o prosesu akizsaun ne’e remata, CAVU Aviation Finance LLC sei hasai Bill of Sale ba Aviaun nian, entrega ba Aviasaun Sivil Canada no mós ba Buyer”RAEOA” liu husi Broker ne’ebe mak Indika ona husi parte rua tuir akordu purchase agreement.
Relasiona ho informasaun espalha iha media, fontes ne’e esplika mós konaba Warranty Bill of Sale “Garantia Bill of Sale” buat ne’e hasai husi parte Seller “CAVU Aviation Finance ba Buyer mak RAEOA, atu garantia katak prosessu akizisaun ne’e to remata Aviaun ne’e simu ona husi RAEOA, CAVU ne’e garantia katak sei entrega direitu tomak Aviaun nian ba RAEOA liu husi hasai Dokumentu ida naran “Bill of Sale”.
“Lolos ne’e dokumentu ne’e arkiva iha RAEOA, maibe nia hatutan katak, sira halo komunikasaun hasoru malu ho Pontu Fokal Operasaun Aernave RAEOA sesante no Juridiku RAEOA sesante, husu kona ba dokumentu Bill Of Sale, sira nain rua deklara katak sira La kaer dokumentu “Bill Of Sale” ne’e no nunka hare dokumentu ne’e, sira partilha informasaun, entaun ba buka iha arkiva maka hetan deit dokumentu sira hanesan, Pagamentu sira, Aircraft Purchase Agreement, no Warranty ne de’it, ate dokumentu sira ne’e mesak kopia deit laiha original, mais pior balun la asina”. Nia haktuir.
Fonte salienta tan katak, lei Aviasaun Civil mundo laran tomak atu rekonhese katak Aviaun nain mak se ne’e? Presiza maka dokumentu ida ho naran Bill of Sale. Tanto Aviasaun Sivil Timor nia mós aplika hanesan ne’e.
Operasaun Aviaun Twin Otter ne C-GVTU
Iha 2015 Novembro Aviaun ne’e hahu opera husi KENN BOREK AIR “Operador husi Canada” iha Teritorio Timor-Leste. Desde husi 2015 to 2024 ne’e. Tuir Dokumentu Kontrato entre RAEOA ho KENN BOREK AIR, sita katak ba Operasaun ne’e RAEOA kada fulan selu ba Kenn Borek Air ne’e ho montante osan maka 148,318,00 (Cento Quarenta Oito Mill trezentos dezoito dolar) fahe ba Item sira hanesan tuir mai:
- Management Fee – $34,924.00
- Captain – $23,293.00
- Co – Pilot – $13,338.00
- Engineer – $ 23,293.00
- Rotation Crew – $19,213.00
- Accomodation – $4,653.00
- Utilities – $794.00
- Communication – $1,852.00
- Vehicle – $2,600.00
- Per Diem Capt. – $1,725.00
- Perdiem Co-Pilot – $1,725.00
- Perdiem Engineer – $1,725.00
- Insurance – $15,559.00
- Kenn Borek Personnel Training – $3,624.00
Husi Item sanulu-resin-haat iha leten ne’e mak gasta ba Kenn Borek Air mak hanesan tuir mai:
- kada fulan $148,318.00
- kada tinan $1,779,816 no
- tinan 9 ho balun maka $16,908,252
Osan ne’ebe gasta iha leten ne’e la inklui buat sira hanesan Spare Parts, Mina Avtur, no Ground handling, total ba Item tolu ne’e maka gasta $7 milloes liu.
Total Gastus durante Tinan 9 ho balun ba Aviaun :
- Sosa Aviaun $8.1 millioens
- Selu Kenn Borek Air $16.9 milloens
- Spare parts, Mina Avtur, Ground Handling $7milloens
Total gastus 9 Anos ital = $32 milloens
Total Reseitas 9 anos ital = 4.9 milloens
RAEOA lakon osan total = $ 27.1 milloens
Tuir STNK ou Sertifikadu Registu original nebe konsege hare, nain ba Aviaun ou registered owner maka Kenn Borek Air. Bill of Sale laiha, balun dehan Warranty Bill of Sale mak Bill of Sale.
2,391 total views, 3 views today
Bele hare Video Seluk :
Subscribe to Timorpost
