DILI (Timorpost.com) Governu liuhusi Ministru Koordenador Asuntu Ekonomia Joaquim Amaral, Vise Ministru Justisa Jose Edmundo Caetano, koordena ho Prezidente Pelican Paradise hodi hahu konstrusaun otél fitun-lima Pelican Paradise, iha suku Tibar, postu administrative Bazartete, munisípiu Likisá tempu badak.
Joaquim Amaral, informa ohin prezidente pelican padise halo sorumutu ho governu, atu haree no koordena oinsa atu aselera prosesu investimentu otel fitun-lima nee.
“Tanba nee mak prezidente pelican paradise doutor Datok husi Singapura mai iha ita nia leet, presiza atu hatudu katak projetu nee atu hahu daudauk ona”, nia informa iha salaun CBD 3 Timor Plaza, Segunda (03/04).
Nia prezensa iha nee atu halo mos intrevista ba kontrator lokal sira, neebe mak atu partisipa iha konstrusaun ba projetu nee iha Tibar besik mai Tasi Tolu nee.
Ministru Joaquim hatete, iha fim de Abril nee, pelumenus fulan ida hanesan sira bele mobilizasaun ba rekursu sira, depois ida nee sira bele hahu ona seevisu iha treinu.
Tanba nee mak informasaun no kalendariu sira nee mak presiza kontinua governu ho investidor sira hamutuk para bele fo sai ba publiku katak projetu nee atu hahu iha fulan ida rua mai.
Projetu nee lori tempu fulan 36 hodi konklui iha primeira faze, hahu husi fulan ida mobiliza rekursu, husi ida nee ba oin tinan tolu nia laran para bele konklui projetu nee.
Sorin seluk vise Ministru Justisa Jose Edmundo Caetano, hatete enkontru ohin nee relasiona ho prezidente pelican paradisde tanba iha akordu loron 3 Jananeiru 2023 hahu akordu espesial ba projetu pelican paradise.
“Neebe ami atribui rai husi tasi tolu nian, entrega ona ba pelican paradise para bele halo konstrusaun”, nia dehan.
Tanba rai nee entrega tomak ba pelican paradise hodi hahu konstrusaun, atu halo planu ba projetu ida nee hodi halo investimentu iha fatin refere.
Aleinde nee prezidente Pelican Paradise Group, Datok Dr. Eward Org, hatutan projetu nee hahu sira fo prioridade empreza lokal sira traballador timoroan hodi servisu, maibe tenke iha kualidade atu halo servisu.
Tanba nee sira sei iha ema ida atu fo kapasitasaun ba timoroan sira hodi halo servisu iha rai laran.
Orsamentu ba projetu Pelican Paradise hamutuk millions 500 USD, ba faze primeiru durante tinan tolu, presiza kompana lokal maiszumenus rua ou tolu hodi servisu hamutuk ho sira.
1,641 total views, 6 views today
Bele hare Video Seluk :
Subscribe to Timorpost
