Dili (Timor Post) – Relasiona ho preokupasaun públiku kona-ba Ró haksolok, Eis Primeiru Ministru iha Sétimu Governu Konstitusionál, Mari Alkatiri, hatete Ro haksolok agora Timoroan nian ona.
“Sé mak dehan seidauk iha serteza, Ro Haksolok ne’e agora Timor-Leste nian ona”, nia hateten hafoin enkontru ho Xefe Estadu iha Palásiu Prezidensiál Bairru-Pité, Tersa (09/08).
Nia hatutan, porsentu 95 empreza ne’e Timor-Leste nia investimentu ona iha estaleru, entaun Ro ne’e Timor oan nian ona, falta de’it agora kria kondisaun atu halo Ro ne’e to’o kompletu hodi lori mai.
Nia esplika, kondisaun mak saida, kondisaun mak fiskalizasaun obrigatoriamente iha atu Ro ne’e hahú.
“Kondisaun mak fiskalizasaun tenke iha para Ro ne’e atu hahú, tanba problema hotu-hotu rezolvida”, nia informa.
Nia informa tan, ida ne’e nu’udar investimentu primeiru Timor nian iha Europa no iha Rai li’ur.
“Ha’u lakohi kompleta tan, to’o kampaña ko’alia mak ha’u hatán,” nia hakotu.
1,581 total views, 3 views today
