DILI (timorpost.com) — Ministru Finansas, Rui Gomes, Segunda (20/03), aprezenta ba Primeiru Ministru, Taur Matan Ruak, kona-ba apoiu subvensaun públiku millaun 15 USD, husi Governu ba Konferénsia Episkopál Timorense (CET).
“Informa ba Primeiru Ministru, katak Kinta Feira lokraik (23/03), ita sei asina akordu entre Governu Timor-Leste ho Konferénsia Episkopál Timorense CET”, nia hafoin enkontru iha Palásiu Governu.
Nia dehan, kona-ba suvensaun publika ne’ebé Governu sei transfere ba CET, hodi bele hala’o programa igreja nian.
“Orsamentu ne’ebé governu apoiu ba igreja ne’e, tinan-tinan aloka millaun 15 USD”, nia informa.
Ida ne’e mak governu sei asina akordu ho Konferénsia Episkopál Timorense, iha semana ida ne’e ho sua eminénsia Dom Virgílio Kardeál do Carmo da Silva, SDB, iha edifísiu Ministériu Finansas, Ai-tarak laran, Dili.
Ikus nia dehan, governu anterior sira apoiu ona igreja iha Timor-Leste, hanesan iha Konferénsia Episkopál Timorense, hodi bele tulun atividade no programa igreja nian.
1,197 total views, 6 views today
