ADVERTISEMENT

AMD Tau Osan Konstroi Mini Merkadu Taibesi

Orlando Oqui - Ekonomia · Jeral
Jornalista : Amelia Soares Babo
Editor : Orlando Oqui
  • Share
Prezidente Autoridade Munisípiu Dili, Guilhermina Filomena Ribeiro. Foto TP/Amélia Babo

DILI-Daudaun ne’e Autoridade Munisípiu Dili (AMD) propoin orsamentu hamutuk 312 USD hodi halo konstrusaun ba mini merkadu Taibesi.

Prezidente Autoridade Munisípiu Dili, Guilhermina Filomena Ribeiro, hatete, daudaun ne’e AMD tau ona orsamentu 312 USD hodi halo konstrusaun ba mini merkadu iha merkadu Taibesi.

ADVERTISEMENT
SCROLL FILA BA NOTISIA


“Ami tau ona orsamentu 312 USD hodi halo konstrusaun mini merkadu ida iha Taibesi hodi fasilita negosiante ne’ebé afeta inséndiu ne’ebé akontese iha loron 22 fulan Dezembru tinan 2022, hodi estragu komunidade nia sasán uma laran,” Guilhermina hateten ba Timor Post iha nia knaar fatin Matadouru, Segunda (20/03).

Lee Mós :
Lixu Kintu-Kantu Halo Sidade Dezlimpu

Nia dehan, orsamentu atu halo konstrusaun ba mini merkadu tama ona konta bankária munisípiu Dili nian no halo prosesu hotu ona no dezeñu BOQ haruka ba ADN hodi aprova no hein tempu badak halo ona konstrusaun ba iha mini merkadu ne’e.

Tanba ne’e, hein de’it Ministériu Administrasaun Estatál (MAE) aprova ona sira bolu kompañia ida hodi halo konstrusaun mini merkadu ho emerjénsia hodi bele fasilita negosiante hodi fan fali sira nia produtu hodi rekoopera fila fali sira nia sasán ne’ebé durante ne’e hetan estragu husi inséndiu ne’e.

Lee Mós :
Censos vão decorrer em 2022

Enkuantu, inséndiu daruak ne’ebé akontese iha loron 2 fulan Janeiru tinan 2023 nian, AMD seidauk halo konstrusaun, tanba sei iha fase avaliasaun no verifikasaun dadus entaun sira presiza elabora dadus kompletu haruka ba ADN halo BOQ maka foin aloka orsamentu hodi halo konstrusaun ba mini merkadu refere.

Maibé, nia garante katak, projetu rua ne’e finaliza iha tinan ne’e hodi fasilita negosiante sira ne’ebé afeta ba inséndiu ne’e hodi fa’an fali sira nia produtu hodi bele rekoopera fila ekonomia família nian.

Lee Mós :
STAE Hahu Briefing Observadór Nasionál-Internasionál

Ikus liu, PAMD ne’e rekoñese, negosiante sira hein fulan 4 kedas sira la halo negósiu entaun tenke halo ona konstrusaun lalais hodi fasilita sira negosiante sira.

 1,188 total views,  3 views today

Oinsa Ita nia Reaksaun iha Notisia Nee?
Like
Love
Haha
Wow
Sad
Angry
You have reacted on “AMD Tau Osan Konstroi Mini Merkadu Taibesi” A few seconds ago

Bele hare Video Seluk :
  • Share
ADVERTISEMENT
SCROLL FILA BA NOTISIA

Notisia Timorpost Seluk


Komentariu :
Timorpost.com. Respeita tebes Ita Nia opiniaun. Laran luak no uza etika bainhira hatoo opiniaun. Opiniaun iha Ita Nia responsabilidsde, tuir lei ITE.

Varanda
Kategoria
Video
Buka
Watch
Facebook
error:
Simu Notifikasaun Hosi Timor Post Online! OK No