LISBOA, (timorpost.com)—Prezidente Repúblika Jose Ramos Horta palestra iha selebrasaun Aniversáriu Revolucão dos Cravos ba dala-50, luzofonia Portugal, no mós fó onra tanba husi loron 25 Abríl mak povu Portuguesa feto no mane luta ba liberdade.
PR Horta haktuir, ohin loron Portugal selebra loron liberdade, loron ida-ne’ebé kle’an tebes iha ninia istória tinan 900 liu ba hanesan iha loron 1 Dezembru 1640.
“Iha loron ne’e ami konkorda ho “Grandola Vila Morena,” ne’ebé asina restaurasaun demokrasia no liberdade tomak ba ema portugés no independénsia no soberania tomak ba povu kolonializadu sira”. PR Horta hatete iha ámbitu selebrasaun loron Revolusaun dos Cravos iha sentru Kulturál de Belem, Lisboa, Kinta (25/04).
Horta dehan, 25 Abríl loron ida-ne’e, portugés no ema hotu fó onra ba sira ne’ebé luta ba liberdade, no renova sira-nia kompromisu ho valór demokrátiku sira ne’ebé define nia moris.
Iha loron 25 fulan-abril ne’e ita hanoin kona-ba realizasaun sira ne’ebé ita hetan ona no dezafiu sira ne’ebé ita sei hasoru iha dezeñu nasionál sira ne’ebé hanesan no justu liu,
“loron 25 Abríl fó onra ba mane no feto boot sira hotu iha Portugal no ba koloniais sira nia aten-barani no hodi hamate rejime ditadura no forma estadu foun nian. Inklui mós fó liberdade absoluta ba autodeterminasaun ba país koloniál sira, liuliu Guinea-Bissau, Mosambike, Angola, Kabuverde, inklui Timor-Leste, ida ne’e mak depois ne’e harahun Revolusaun Kravos”. Informa Horta.
Horta afirma, Portugés hatene oinsá atu hatán ba mudansa sira-ne’e, la iha odi no selu fali, la iha funu sivíl, portugés simu independénsia husi nasaun kolonias sira, ne’ebé luta iha tempu naruk.
Enkuantu PR Horta mós haktuir, normalizasaun relasaun entre povu no estadu independente foun ho podér koloniál antigu, rekonsiliasaun ne’e prosesu naturál ida-ne’ebé taka tiha ona. No Timor-Leste moris iha dame no hakmatek ohin loron, índise ekonómiku no sosiál sira pozitivu tebes, hasai tiha faillansu barak hanesan índise kiak ne’ebé aas.
“Espíritu husi loron 25 Abríl mak fó inspirasaun ba jerasaun ohin loron no ba jerasaun sira iha futuru atu nune’e ema hotu bele moris iha dame, solidariedade no fraternidade ne’ebé loos”. Dehan Ramos Horta.
1,662 total views, 36 views today
Bele hare Video Seluk :