DILI—Sekretariu Estadu Komunikasaun Sosial (SEKOMS), Expedito Dias Ximenes, sei tau prioridade uluk oinsa fó subsidiu ba mídia sira tantu estatal no privadu iha servisu loron 120 nia laran.
“Ita sei haree, atu halo planu oinsá fó subsidiu ba mídia konvensionál hanesan RTTL,EP, TATOLI,IP no mós mídia privadu eletronika no Online sira para sira bele moris, tanba ita haree situasaun ekonómia mídia estatál no konvensionál privadu no Online sira”, nia dehan ba Jornalista hafoin Tomada Posse iha Palasiu Prezidente Bairo-Pito, Sabado (01/07).
Nia hatete, SEKOMS sei apoiu liu hosi subsidiu atu nune’e diretamente no indiretamentu hasa’e bens estar ba jornalista sira.
“Subsídiu ne’e ami sei ko’alia, nia formatu ho objetivu oinsá bele fó apoiu ba mídia sira”, nia promete.
Nia dehan, Mídia estatál hanesan RTTL,EP ho TATOLI,IP hetan osan husi Orsamentu Jerál Estadu (OJE) maibé mídia konvensional privadu no online sira-ne’ebé rejista iha Konsellu Imprensa (KI) presiza fó atensaun, atu nune’e sira bele foti produtu kualidade jornalistiku nian.
“Ida-ne’e mak planu prioridade nian durante loron 120 nia laran”, nia afirma.
Nia dehan, subsídiu ba mídia sira ne’e prioridade. Durante halo observasaun iha buat rua tenke toma atensaun, tenke habelar ka foti produtu jornalistiku depende ba jornalista nia bens estar no mós presiza fó formasaun ba jornalista sira, formasaun ne’e tenke rutina.
Daudaun ne’e iha Sentru Formasaun Ténika no Komunikasaun (CEFTEC) bele sai institutu públiku hodi fó formasaun ba jornalista sira, hahú husi nivel baziku, mediu no avansadu.
Ikus liu, nia dehan, iha produtu jonalistiku nian liu-liu presiza mós halakon Hoax atu nune’e bele hametin no haburas jornalistika iha rai doben ida-ne’e.
1,455 total views, 3 views today
Bele hare Video Seluk :
Subscribe to Timorpost
