Timor Post (09/02/2021)—Suspeitu nu’udar kondutor ba karreta vaskolante ne’ebé xoke labarik kiik ida iha area Kaisidu-Baukau, entrega-an ona ba Komandu Polísia Munisípál hodi kumpri prosesu.
Kazu ne’e akontese iha loron 8/02/2021, lorokraik.
Kronolojia ba akontesimentu ne’e, Komandante Polísia Munisípiu Baukau, Superintendente Xefe Armando Monteiro haktuir, vítima nia aman komunika ba nia kolega kondutór iha Triloka hodi ho karreta tula simente saka sanulu iha armajen.
Bainhira karreta too iha vítima nia uma, vítima nia aman kous ho vítima, sira na’in-tolu ba tula simente iha armajen ida iha Triloka.
“Fila husi Triloka hatun semente ba vítima nia uma. Vítima nia aman ho suspeitu hemu kafé, vítima talves halimar iha karreta nia okos. Hemu hotu kafé, suspeitu husu atu fila ba Triloka. Maizumenus 300 metros mak ema halerik no tanis. Suspeitu hanoin ema ba asaltu vítima nia aman. Kondutor ho baskolante halai fila to’o ba besik ema dehan ohin o nia baskolante xoke labarik mate fatin,” Komandante Armando haktuir ba Jornalista Timor Post via telefone.
Komandante Armando dehan, suspeitu hato’o situasaun ne’e ba família no entrega-an ba Komandu Polísia Munisipál.
“Kazu ne’e iha ona prosesu,” Komandante Armando subliña. (cao)
483 total views, 3 views today
Oinsa Ita nia Reaksaun iha Notisia Nee?
Bele hare Video Seluk :
Sorry, there was a YouTube error.