DILI (Timorpost.com)—Dom Virgílio Cardeal do Carmo da Silva, SDB, Arsebispu Arkidioseze Metropolitana Dili, klarifika karta notifikasaun husi Prezidente Autoridade Munisípiu (PAM) Dili, la deskreve governu halo eviksaun ho razaun tanba vizita Santu Padre Francisco nian mai Timor-Leste.
Arsebispu Dom Virgílio Cardeal haktuir tanba ne’e husu Públiku labele kahur asuntu eviksaun tanba dehan Papa Francisco nia vizita mai Timor-Leste.
“Ohin dadeer ha’u hetan notifikasaun ida ne’ebé hakarak, klarifika tanba horisehik mosu no hodi kalan katak ,tanba Amo Papa Francisco ninia vizita maka obriga atu halo eviksaun ba iha fatin hirak ne’e hotu. Ne’e lae tanba iha karta notifikasaun la deskreve kona ba ida ne’e”. Dehan Dom Virgílio Cardeal do Carmo da Silva, SDB, Arsebispu Arkidioseze Metropolitana Dili ba Jornalista sira iha Rezidénsia Eis Ministra Finansas Motaél, Sesta (19/04).
Bispu Dili ne’e dehan, ohin dadeer hasoru malu ona ho PAM Dili, no PAM Dili dehan Amo ha’u mós hakfodak hodi kalan sira dehan eviksaun ne’e tanba iha vizita Amu Papa Francisco nian mai TL.
“Ha’u husu karik iha surat ruma bele fó mai, maibé iha notifikasaun refere PAM la hatete tanba Amu Papa nia vizita mai TL maka tenke halo eviksaun hasai povu, ida ne’e dala ida tan la mensiona iha notifikasaun ne’e”. Bispu Dili informa.
Kona ba eviksaun ne’e governu nia planu uluk tiha ona, ne’e la’ós tanba Amu Papa nia mai, tanba ne’e dala id tan husu ba públiku labele kahur asuntu eviksaun tanba vizita santu padre Francisco nian mai Timor-Leste.
“Ha’u hakarak atu klarifika tanba ida ne’e mak hodi kalan ha’u buka duni atu hetan, maibé ohin dadeer ha’u hetan duni husi Autoridade Munisípiu Dili fó sai klaru ona katak, governu nia planu ketak la’os tanba papa mai mak hala’o ida ne’e. Ne’e duni ha’u hakarak of sai katak ita lalika kahur buat rua ne’e, iha eventu ida ne’e, buka atu haree buat ne’e tuir ida-idak nia kompeténsia”. Hakotu.
2,103 total views, 6 views today
Bele hare Video Seluk :
Subscribe to Timorpost
