ADVERTISEMENT

Saúde Baukau Rejista Pasiente Covid-19 Na’in 154

Timor Post - Baucau · Saude
  • Share
Foto Google

BAUKAU (Timor Post) – Servisu Munisipál Saúde liuhusi director servisu municipal relata katak tuir relatóriu husi SIJK pasiente kovid-19 hamutuk ema na’in 154 mak izola hela iha fatin izolamentu eis SPK, Gor, Reamari no Casa Coures.

“Ita iha 154 kazu, iha GOR iha pasiente 64, eis SPK 34, iha Riamare eis edifísiu sentru saúde Riamare 30 no iha casa Coures iha ema na’in 15”, dehan director SMS Baukau, Domingos Reinaldo Guterres ba Timor Post Sesta feira (27/08) iha nia knar fatin.

Nia esplika entre pasiente kovid-19 atus ida lima nulu resin hat, kompostu husi na’in atus ida tolu nulu resin sia populasaun bai-bain ho idade husi 0-60 ba leten, enkuantu na’in sanulu resin lima professional saúde ne’ebé mak durante ne’e atende populasaun afetadu sira kompostu husi feto sanulu resin rua mane na’in tolu.

Nia afirma professional na’in sanulu resin lima ne’ebé afeta pozitivu kovid-19, professional saúde sira ne’ebé hala’o sira ninia knar iha terenu ba foti swab, sala izolamentu no husi laboratóriu HoREX Baukau tanba loron-loron sira halo kontaktu direita ho pasiente.

Lee Mós:
Prezidente Horta: HNGV Enfrenta Problema Jestaun

“Entre pasiente pozitivu 154 ne’e iha mós ita nia professional na’in 15 mak hetan pozitivu iha loron 25 semana ne’e, iha feto 12 no mane 3, sira ne’e hetan afeta tanba loron kalan sira kontaktu hela de’it ita nia komunidade afetadu, depois parte balun sira hasoru sampel iha laboratóriu komu sira preokupa liu entaun sira mós hetan afeta”, dehan Domingos

Lee Mós:
Rajaun husi Membru PNTL Liu Atus Rua Seidauk Simu Vasina

Bainhira jornalista sira tenta konfirma ba koordenadór téknika SIJK munisípiu Baukau, maibé rejeita fó informasaun ho razaun la klaru.(gut)

 189 total views,  6 views today

Oinsa Ita nia Reaksaun iha Notisia Nee?
Like
Love
Haha
Wow
Sad
Angry
You have reacted on “Saúde Baukau Rejista Pasiente Covid-19 Na&#8217…” A few seconds ago
  • Share
ADVERTISEMENT
SCROLL FILA BA NOTISIA


Notisia Timorpost Seluk


Komentariu :
Timorpost.com. Respeita tebes Ita Nia opiniaun. Laran luak no uza etika bainhira hatoo opiniaun. Opiniaun iha Ita Nia responsabilidsde, tuir lei ITE.

Varanda
Kategoria
Video
Buka
Watch
Facebook
error: