BAUKAU(timorpost.com)–Xefe Suku Afaloikai, Postu Administrativu Baguia, preukupa folin fos iha fatin refere agora daudaun foos ida kilograma 25 ne’e sa’e ona ba $19.50 sentavus no balun sa’e ba to’o $20 kada saka.
Xefe suku Afaloikai, Germano Joao Baptista hatete, populasaun aldeia hat, aldeia Lena’a, aldeia Buibela, aldeia Okilari no aldeia Waimata-Le’e fou-foun Senti kontenti ho informasaun husi governu katak governu azuda populasaun hatun folin Fos dolar sanulu resin Ida no dolar sanulu resin Rua maibe ikus-ikus nee populasaun barak halerik ba folin Foos neebe kada loron kontinua aumenta maibé governu la halo kontrolu.
“Ita koalia konaba folin Fos, primeiru nee ita Nia populasaun Sira Senti haksolok bainhira Ita Nia governu Informa katak dolar 11 ka dolar 12 kada saka kilograma 25, mais bainhira kuandu iha neeba Ami Sosa nee Nia folin, wainhira husi postu administrativu Uato-Lari Mak lori sae ba folin dolar 20 kada saka Agora husi fali postu administrativu Baguia Mak lori ba Suku Afaloikai kada saka dolar 19 sentavu 50,”Dehan Xefe suku Afaloikai postu Baguia Germano Joao Baptista ba Timor Post Kinta feira (22/2) iha salaun CCB vila antiga.
Nia afirma, folin nesesidade Sira seluk neebe dadaun nee sae aleinde Fos, Mina tein jerigen Ida litru lima sae ba dolar sia sentavu lima nulu, supermie dos Ida dolar ualu sentavu lima nulu, inklui nesesidade Sira seluk.
Iha Fatin hanesan PAM (Presidenti Autoridade Munisipiu) Baukau Veneranda Lemos, hatete, sei hatoo ba delegasaun parlamentu nasional komisaun F neebe vizita Mai Baukau Atu nunee bele hatoo ba parte governu tanba saida Mak presu Foos seidauk bele kontrola.
“Normalizasaun ba folin Fos desde governu dah sia hatun tiha ona taxa ba importasaun maibe ninia impaktu ba negosiante sira seidauk iha nee tanba saida, maibe orsida delegasaun komisaun F husi parlamentu nasional ha’u sei hato’o, i Ita boot Sira mos bele husu tanba sa Mak normaliza ba presu nee seidauk bele kontrola ho didiak, Ha’u labele hatete porke iha munisipiu Hau mos lori Sira iha baze Nia laran, mais see informasaun hanesan nee Ita hotu hamutuk Husu took ba PN para bele hatoo ba governu tanba saida mak presu foos seidauk bele kontrola,”Dehan PAM Baukau.
Tuir informasaun folin nesesidade baziku sae la’ós akontese deit iha suku Afaloikai maibe akontese mos iha suku vizinu Osso-Huna no mós Haeconi postu administrativu Baguia.
12,669 total views, 6 views today
Bele hare Video Seluk :