Dili, (timorpost.com)— Autoridade Protesaun Sivíl (APC, sigla portugés) daudauk ne’e preokupa hela oinsá atu ultrapasa husi mota ho korrente velosidade ne’ebé boot, susar atu lori material báziku ba vítima inundasaun hamutuk xefe família 17 ne’ebe afeta ba dezastre natural iha Suku Luka, Wailolo Munisípiu Viqueque.
“Daudauk ne’e ekipa preokupa hela, no APC labele ultrapasa tanba mota hale’u no korrente mota mós boot no Lafaek mós barak.”. dehan Sekretáriu Estadu Autoridade Protesaun Sivíl Domingos Mariano Reis hatete, ba Jornalista sira iha Muzeum Rezisténsia, Liceu, Sesta (19/04/2024).
APC daudauk ne’e koordena hela ho Autoridade Nasionál Petróleu oinsá atu apoiu helikopter atu mobiliza ai-han emerjénsia ba iha família vítima uma-kain 17 ne’ebé afeta ba inundasaun.
Nia haktuir, servisu APC prontidaun 24 oras hodi responde vítima dezastre natural sira iha territóriu nasionál.
“APC prontidaun hodi responde ba situasaun emerjénsia iha komunidade sira liga ba dezastre natural. APC mós distribui ona material hanesan terpal, bikan no kanuru inklui ai-han emerjénsia hanesan foos, mina, susu been, masi-midar ba vítima dezastre natural”. Nia
Nia haktuir, daudauk ne’e APC deskarega ona ai-han no la’ós ai-han ba iha munisípiu sira ne’ebé afeta ba dezastre natural ki’ik liu mak 50 pakote ba Atauru, restu husi munisípiu sira ne’e 250 exetu, Oe-cussi mak 50 pakote ne’e prontu hela atu responde.
1,833 total views, 3 views today
Bele hare Video Seluk :
Subscribe to Timorpost
