(Reportájen Cesário de Sousa/Editor Suzana Cardoso)
DILI (Timor Post) – Atu dezenvolve kooperativa iha post Covid-19 nian lao ho efetivu liután maka Governu Tailandia fasilita formasaun ba dirijente, diretor no jestór kooperativa sira iha kapitál Dili.
“Video konferénsia ne’e ho formasaun ida ne’ebé mak realiza bazeia ba kooperasaun Sekretáriuadu ho Embaixada Bangkok nian. Formasaun ne’e ho nia títulu; kriatividade lideransa kooperativa post covid.”
Esplika informa Sekretariu Estadu Kooperativa (Sekoop), Elizário Ferreira ba Jornalista iha edifisiu Sekoop Akait, Segunda, (17/05/2021).
Nia hateten, video konferensia ne’e realiza tanba kooperasaun entre Embaixada Bangkok no SEKoop ho tema Kreatividade lideransa kooperativa post covid-19. Objetivu hosi formasaun ne’e hotu no covid-19 ne’e termina, saida mak lideransa formandu sira ne’ebé bele halo atu bele asegura dezenvolvimentu kooperativa nian.
Maibé katak Sekoop Elizario, Covid-19 ne’e mak seidauk remata lideransa kooperativa sira hatene ona saida maka sira bele halo hodi asegura sustentabilidade no estabilidade finanseira kooperativa nian. Nune’e formasaun ne’e fó ba dirijente kooperativa no diretór sira, inklui mós jestór sira.
“Ne’e formasaun ba dirijente kooperativa, diretóres ho jestór sira iha Dili laran atu sira bele hetan referénsia di’ak hodi asegura dezenvolvimentu kooperativa nian ba futuru no mós iha situasaun ida atuál ne’e,” tenik Elizario.
Governante ne’e relata, faze tuir mai kuandu situasaun ne’e normaliza mak dirijente sira sei iha estudu komparativu ho apoiu husi embaixada Tailandia nian. Estadu komparativa ne’e hodi sai hanesan referénsia para dezenvolve kooperativa ho modelu.
Partisipa iha formasaun ne’e nain 15 husi sekretáriu estadu kooperativa nian. Nain 15 mai hosi jestór kooperativa 15. Hamutuk formandu na’in 30 maka tuir formasaun etape dahuluk. Tipu daruak ba kooperativa.
Hateten Elizario, kooperativa não finanseira no kooperativa finanseira. No hatudu mós katak dezenvolvimentu ho ninia estabilidade finanseira. Sira mós rekoñese katak kooperativa kréditu ne’e avansadu duni.
Iha loron 26 fulan ne’e, sei iha mós video konferénsia internasionál ida no sei partisipa direta husi Sekretáriu Estadu Kooperativu. Konferénsia aliansa kooperativa internasionál liuliu ba asembleia jerál kooperativa.(Lee notísia seluk iha jornál Timor Post)
804 total views, 3 views today
Bele hare Video Seluk :
Subscribe to Timorpost
