Dili (Timor Post) – Prezidente Repúblika (PR), José Manuel Ramos Horta, konvida Autoridade Nasionál Petroleu Minerais (ANPM), liuhusi Ministru Petroleu Minerais no Prezidente Timor Gap, ba esplika kona-ba Progresu dezenvolvimentu mina Greater Sunrise.
Ministru Petróleu Minerais (MPM), Victor da Conceição Soares, hatete ohin ho ekipa mai atu esplika kle’an progresu ne’ebé iha setór petroleu minerais, liuliu dezenvolmentu Greater Sunrise.
“Ohin Prezidente Repúblika, bolu mai iha ne’e hamutuk ho Prezidente Timor Gap no ANPM, Prezidente iha duvida balu relasaun ho progresu ne’ebé iha setór petroleu minerais, mais ohin husu liuliu ba dezenvolmentu Greater Sunrise,” nia dehan hafoin remata enkontru ho Xefe Estadu iha Palásiu Prezidensiál, Bairru-Pité, Segunda (01/08).
Nia hatutan, portantu la ko’alia buat barak, maibé ko’alia de’it kona-ba progresu halo nusa ona, no mós diskusaun kona-ba durante ne’e.
Nia hatete, ema hotu hatene, katak progresu sira ne’ebé durante ne’e la’o, nune’e agora iha meza diskusaun entre Governu Timor-Leste ho Australia, mak hanesan dokumentu PMC, PSI ho Fiskal Rejime no mós dokumentu lubuk ida seluk tan, ne’ebé agora la’o hela.
“No mós kalendáriu ba iha dokumentu sira ne’e, atu konklui iha Novembru tinan ne’e, portantu ohin Prezidente husu tuir situasau sira ne’e, no ha’u hanoin progresu sira ne’e la’o ho di’ak, negosiasaun mós la’o di’ak hotu, no pozisaun Timor-Leste nian mós klaru, kona-ba oinsá kadoras ne’e ba iha ne’ebé konserteza durante ne’e ita ko’alia kona-ba kadoras mai iha Timor-Leste, mais ida ne’e la’os ho razaun polítika de’it, polítika ida kontra kadoras mai iha Timor-Leste, mais ne’e viabilidade Tékniku komersial, ho Ekonómiku,” nia relata.
Kona-ba Greater Sunrise nian ne’e, tuir kalendáriu to’o Novembru tinan ne’e, nune’e haree de’it diskusaun sira sei termina, no kuandu termina sei iha asina akordu ou aprova dokumentu sira iha diskusaun.
Entaun ne’e faze ida, tanba durante tinan naruk ne’e, nunka to’o iha faje ida ne’e, no apartir ida ne’e, tama ona iha faze seluk ne’ebé bolu dezenvolvimentu do Kampu. Portantu husi ida ne’e, Timor Gap hanesan care ida ne’ebé boot liu 56,56% ho USAID hanesan operador, no mós Osaca Gas, husi ne’e sira sei hamutuk para ko’alia kona-ba palnu dezenvolvimentu.
“Ita hotu haree katak, Governu agora ne’e, iha seriedade atu bele rezolve problema Greater Sunrise, durante tempu naruk, no hakarak duni tanba situasaun rai laran ne’e ita haree Kampu Bayu Undangan mós termina ona, nune’e ita tenke fó atensaun ou prioridade atu aselera kampu Greater Sunrise, hodi bele dezenvolvimentu lalais,” nia afirma.
Portantu infronasaun sira ne’e liuhusi ANPM, Timor Gap, fundamenta ona katak, estudus viabilidade, fundamentu sira ne’e permiti para kadoras atu mai iha ne’e. Situasaun ne’e di’ak mak esplika ba Prezidente Repúblika, hodi nune’e Prezidente bele kontinua ko’alia ba Públiku kona-ba pozisaun Timor-Leste nian.
Enkuantu, mensajen Prezidente Repúblika mak ne’e, hakarak hatene saida mak nia sente duvida, atu nune’e bele kontinua ko’alia kona-ba saida mak Timor-Leste halo agora.
“Nia mós fó mensajen balu bainhira nia halo vizita iha Indonézia, ne’ebé iha interese balu hamutuk ho riku-soin ne’ebé iha Indonézia nia parte, Timor-Leste nia parte, Australia nia parte, atu oinsá ba futuru ita-nia nasaun vizinu Australia ho Indonézia, ita tenke serbisu hamutuk ho sira, atu bele dezenvolve nasaun tolu hanesan ita iha Rejiaun ida ne’e,” nia afirma.
Portantu mensajen husi Xefe Estadu hanesan ema hotu hatene katak, ne’e ai-mahon boot ida ba iha nasaun ida nian, ne’ebé regularmente nia presiza informasaun, nune’e ita mai briefing nafatin, atu nia atualizadu ka informadu ho situasaun sira ne’e.
2,270 total views, 3 views today
Bele hare Video Seluk :