ADVERTISEMENT

Prezidente Repúblika sei fó Indultu ba Prizioneiru na’in-9 

Mario da Costa - Cova Lima · Jeral · Justisa
Jornalista : Beatriz Belo
Editor : Mário da Costa
  • Share
Prezidente Repúblika, José Ramos Horta. Imajen Esp.

DILI (timorpost.com)—Prezidente Repúblika (PR), José Ramos Horta, sei fó indultu ba prizioneiru na’in-9 hosi Prizaun Suai iha loron 20 fulan Maiu tinan ne’e.

Diretór Estabelementu Prizionál Suai, Julio Dias Ximenes, hatete relasiona ho loron 20 fulan Maiu ne’e kada tinan sempre selebra no au mezmu tempu arguidu kondenada sira mós simu indultu husi Prezidente Repúblika (PR).

ADVERTISEMENT
SCROLL FILA BA NOTISIA


“Foin lalais parte prizaun aprezenta ona ita-nia dadur nain-9, maibé husi prizaun ha’u propomente ema nain-8, ida husi nia defeza, mak atu simu indultu husi Prezidente Repúblika (PR), José Ramos Horta, iha loron 20 fulan Maiu tinan 2023,” nia hateten via telefone, Kuarta (26/04).

Arguidu kondenadu na’in-sia ne’e, lista no dokumentu aprezenta ona ba iha Ministériu Justisa (MJ) atu submete ba Prezidente Repúblika hodi nune’e arguidu kondenadu sira bele hetan indultu iha loron 20 Fulan Maiu tinan 2023.

“Arguidu kondenadu ne’e hamutuk na’in-sia, maibé kona-ba krime saida-saida ne’e ha’u la lembra ona, maibé krime oin-oin de’it,” nia informa.

Lee Mós :
ACFID Kompromete Kontinua Hadi’a Pre-Eskolár Públiku

Nia dehan, Arguidu kondenadu na’in-sia ne’ebé atu simu indultu husi Prezidente Repúblika ne’e sira kumpre ona um tersu no mós bom komportamentu.

“Ha’u hakarak hatete de’it, kada tinan arguidu kondenadu sira atu hetan indultu ne’e, hakarak ka la kohi sira tenke kumpre regra ida kona-ba bom komportamentu no mós kumpre um tersu ba pena ne’ebé sira hetan ne’e,” nia hakotu.

Tuir Juis Administradór Tribunál Distritál Dili (TDD), Afonso Carmona, hatete Tribunal Distritál Dili (TDD) hala’o servisu makas no kompleta ona sentensa no liturasaun pena ba arguidu kondenadu hamutuk 26 husi Prizaun Bekora no Gleno mak sei hetan indultu husi Prezidente Repúblika iha loron 20 fulan Maiu tinan 2023.

Juis Carmona, dehan kona-ba lista indultu ba arguidu kondenadu tama iha prizaun bainhira sira kumpre um tersu, sira iha direitu atu halo prosesu indultu ne’e, maibé ida ne’e la’ós kompeténsia tribunal, mais mai husi arguidu kondenadu sira ne’ebé husi prizaun sira no prizaun haruka mai iha Ministériu Justisa depois MJ enkamina mai iha tribunal.

Lee Mós :
Hetan Inundasaun Maka’as no Ahi-Mate, Tribunál Julgamentu Labele La'o

“Ministériu Justisa enkamina mai iha tribunal no tribunal halo kompletu dadus sira, liuliu sentensa ho liturasaun da pena ne’e, depois sei fó hatene ba Ministériu Públiku para iha loron liman nia laran tenke halo pronunsia, mezmu tribunal apresiasaun ho rekomendasaun ba fali Prezidente liuhusi MJ”, nia hateten.

Tanba ne’e, total dadus enkamina ba tinan ne’e, tribunal Dili ne’e kazu hamutuk 26, mai husi prizaun Bekora ho prizaun Gleno, tanba ne’e, agora sira nia dadus ba tiha ona MJ falta enkamina ba iha Prezidente Repúblika,” nia dehan.

Juis Administradór ne’e dehan, Tribunal iha podér atu fó indultu ne’e, tribunal apenas rekomenda tuir regra ne’ebé iha, kompeténsia másimu no total ne’e Prezidente nian.

“Tanba dala-ruma krime balun, la bele indultu, maibé por razaun umanu Prezidente Repúblika bele fó indultu, tanba ne’e kestaun ida ne’e PR nian, ita so apenas hato’o dadus de’it. Regras normal ne’e, primeiru pedidu husi família sira ou liuhusi prizaun, tanba antes atu sira-nia dadus atu sai ne’e, Prezidente tenke esplika uluk sira nian komportamentu iha prizaun ne’ebá, bom komportamentu ka lae, enkuantu, kuandu arguidu kondenadu sira mak hahalok la di’ak no komportamentu la di’ak, hakarak la kohi sira labele simu indultu, tanba regra ne’e hatete tenke Bom komportamentu no mós tenke konklui um tersu ba pena ne’ebé aplika ne’e,” dehan nia.

Lee Mós :
Mercado de Tais em Colmera sem compradores

Tuir Juis Administradór Tribunál Distritál Dili katak, arguidu kondenadu sira atu hetan indultu ne’e, tenke liuliu governu mak liuhusi Ministériu Justisa, depois enkamina mai iha Tribunal atu kompleta de’it dadus ne’e, depois Tribunal enkamina ba iha Ministériu Justisa.

 1,812 total views,  12 views today

Oinsa Ita nia Reaksaun iha Notisia Nee?
Like
Love
Haha
Wow
Sad
Angry
You have reacted on “Prezidente Repúblika sei fó Indultu ba Prizione…” A few seconds ago

Bele hare Video Seluk :
  • Share
ADVERTISEMENT
SCROLL FILA BA NOTISIA

Notisia Timorpost Seluk


Komentariu :
Timorpost.com. Respeita tebes Ita Nia opiniaun. Laran luak no uza etika bainhira hatoo opiniaun. Opiniaun iha Ita Nia responsabilidsde, tuir lei ITE.

Varanda
Kategoria
Video
Buka
Watch
Facebook
error:
Simu Notifikasaun Hosi Timor Post Online! OK No