ADVERTISEMENT

Martinho Fan Bua Hodi Sustenta Oan Sira-nia Eskola

Mario da Costa - Ekonomia
Jornalista : Beatriz Belo
Editor : Mário da Costa
  • Share
Negosiante Bua, Martinho Soares, Imajen TP/Beatriz Belo.

DILI (timorpost.com) – Martinho Soares, husi Munisípiu Vikeke, faan bua hodi sustenta nia oan sira-nia eskola no nesesidade uma laran.

Negosiante Bua, Martinho Soares, ho idade avansadu, maibé nia kontinua faan bua hodi haleu Dili Laran.

ADVERTISEMENT
SCROLL FILA BA NOTISIA


“Ha’u fan bua ne’e dezde iha tempu Indonézia nian, ha’u fan hodi sustenta ha’u-nia oan sira-nia eskola no sustenta uma, tanba ha’u ho ferik-oan agrikultór,” dehan Negosiante Martinho ba Media online Timor Post iha Manleuana, Sábadu (24/09).

Lee Mós :
MTK Laiha Nesesidade Prolonga Funsionáriu Kontratadu

Nia dehan, bua ne’e nia hola iha Munisípiu Vikeke, hafoin nia fan fali iha Dili.

“Hola batan ida ho montante 20 USD, maibé bain-bain hola kedas batan 30 ou se lae 40, hafoin ha’u lori ba iha Kapitál mak ha’u fan, ha’u fan ho montante 0,25 USD, ha’u fan hotu batan ida, hau hetan osan montante 40 USD,” nia konta.

Nia hatutan, daudaun ne’e nia la bele ba ona Munisípiu Vikeke tanba idade avansadu, tanba ne’e nia fó tuir osan ba Bus Vikeke hafoin sira fó tuir mak nia ba foti.

Lee Mós :
KAEBAUK-LPPI Sei Dezenvolve Finanseiru Iha Timor-Leste

“Ha’u agora fan ne’e, hanesan sustenta ha’u-nia an de’it, tanba ha’u-nia oan sira eskola hotu no balu servisu ona, tanba ne’e ha’u-nia oan sira haruka ha’u la bele kontinua fan, maibé ha’u hatán ba sira, ha’u kontinua fan nafatin to’o ha’u husik mundu ne’e, tanba husi bua ne’e mak ohin loron imi susesu,” nia salienta.

Negosiante ne’e haktuir, loron ida nia fan bua ne’e, nia hetan osan 10 USD, bele mós liuhusi ne’e.

Lee Mós :
Governu Tenke Fasilita Solár Panel

“Ha’u hela iha manleuana, dadeer oras tuku 09:00 hafoin sai husi uma ba fan, dala-ruma ha’u sente kolen no loron manas, maibé ha’u tenke fan hodi sustenta uma laran no ha’u-nia presiza loron-loron nian,” nia hakotu.

 1,324 total views,  3 views today

Oinsa Ita nia Reaksaun iha Notisia Nee?
Like
Love
Haha
Wow
Sad
Angry
You have reacted on “Martinho Fan Bua Hodi Sustenta Oan Sira-nia Eskola” A few seconds ago

Bele hare Video Seluk :
  • Share
ADVERTISEMENT
SCROLL FILA BA NOTISIA

Notisia Timorpost Seluk


Komentariu :
Timorpost.com. Respeita tebes Ita Nia opiniaun. Laran luak no uza etika bainhira hatoo opiniaun. Opiniaun iha Ita Nia responsabilidsde, tuir lei ITE.

Varanda
Kategoria
Video
Buka
Watch
Facebook
error:
Simu Notifikasaun Hosi Timor Post Online! OK No