DILI- Ministériu Agrikultura no Peska, (MAP) iha fulan hirak liu ba submete ona prosesu tenderizasaun konstrusaun Ró Indústria 2 ba Komisaun Nasionál Aprovizonamentu (CAN-Sigla portugés) no tuir planu, ohin (17/3), CNA halo públikasaun ba nia rezultadu.
“Ró Industria boot rua, ida mak prosesu ona iha CNA, hein dei’t sira atu fó sai rezultadu aprovizonamentu ohin sei fó sai Kompania manan-nain se mak the best one no the best two, maibé ida ne’e CNA nia kompetensia;” Diretór Jerál Peska, iha Ministériu Agrikultura no Peska, Acasio Guterres, informa iha nia knar fatin Komoro, Kinta (16/03)
Nia hatete, tinan ida ne’e Ministériu Agrikultura foka liu ba konstrusaun ró indústria boot 2, enkuantu ró ki’ik ba peskadór sira tinan ne’e Ministériu sei la tau prioridade.
Bainira rezultadu sai ona, Ministériu hahú prosesu konstrusaun ró industria, kompania ne’ebé mak manan ba projetu ne’e kompania Internasionál, enkuantu Kompania lokál seidauk iha kapasidade atu halo kontrusaun ró industria.
Ró Industria 2 ne’e atu kontribui ba dezenvolvimentu iha setór peska nasionál nune’e bele hasa’e kuantidade ikan.
Nune’e mós bele hamenus presu ikan iha merkadu nasionál no hapara peska ilegál sira.
Entertantu konstrusaun ba kada ró ho nia kapasidade 250 GT no orsamentu ne’ebé preve husi Ministériu Agrikultura no Peska (MAP) kada ró ho valór millaun 3.7USD ne’ebé hetan aprovasaun husi Parlamentu Nasionál iha tinan 2021 liuba.
662 total views, 3 views today
Bele hare Video Seluk :
Subscribe to Timorpost
