ADVERTISEMENT

Populasaun Suku Liurai Mukit Rede Telemor ho TT

Timor Post - Ainaro · Ekonomia
  • Share
Ilustrasaun

Liurai—Reprezentante populasaun suku Liurai postu administrativu Maubisse, munisípiu Ainaru, Miguel Mendonça, informa suku Liurai dezde tinan 2000-2019, seidauk asesu ba rede Telemor no Timor Telekom.

“Ami atu telefone tenke la’o ba mai iha foho leten oan sira ne’e foin bele hetan rede, dezde ukun an to’o agora,” Miguel Mendonça ba Timor Post iha aldeia Erbean suku Liurai, kuarta (27/11).

ADVERTISEMENT
SCROLL FILA BA NOTISIA


Nia dehan númeru populasaun iha suku ne’e 900 resin. Hosi ne’e porsentu 75 uza kartaun telemor, porsentu 40 uza Timor Telekom, telekomcel porsentu 01, maibé rede hosi operadór tolu ne’e seidauk hatuur permanente iha suku ne’e atu fasilita kliente permanente.

Lee Mós :
Dalia: "Ha'u Nia Laen La'os Kriminozu"

“Kartaun hosi telekomunikasaun tolu ne’e ami uza hotu, maibé barak liu mak telemor, tuir TT, telekomsel ida ka rua mak utiliza, maibe rede mak laiha liu,” katak Miguel.

Iha fatin hanesan, xefe suku Liurai, Antonio de Graça Araújo, hatete suku ne’e izoladu liu ba informasaun, komunidade sira susar tebes ba rede telekomunikasaun hanesan Telemor, Timor Telekom no telekomsel.

Lee Mós :
Emiliano Manán Périmu Karreta Ida Husi Mie Sedap 2023

“Ita hakarak kontaktu asuntu ruma urjente tenke la’o ba mai buka rede (jaringan), dala ruma administradór ka ema boot ruma telefone la tama, dehan ha’u mak taka telefone, maibé rede mak susar atu akapta lalais,” katak nia.

Xefe suku ne’e mós informa, Timor-Leste ukun ona tinan 17, maibé suku ne’e la asesu ba informasaun liu-liu notísia importante sira hosi televizaun hanesan TVTL ho GMN  no Radio Komunidade Maubisi (RAKOM).

Tan ne’e husu governu liu hosi Sekretaria Estadu Komunikasaun Sosiál (SEKOM) oinsá bele buka solusaun ba suku ne’e atu bele asesu informasaun.

Lee Mós :
Xefe Estadu Apresia Forum Emprezariál iha Singapura

“Ami iha ne’e atu rona de’it rádiu komunidade Maubisse mós difisil, buat ruma akontese iha Dili ka Aileu no Ainaru, dalaruma fulan ida tiha mak ami foin hatene fali,” dehan xefe suku ne’e. (yto)

 905 total views,  3 views today

Oinsa Ita nia Reaksaun iha Notisia Nee?
Like
Love
Haha
Wow
Sad
Angry
You have reacted on “Populasaun Suku Liurai Mukit Rede Telemor ho TT” A few seconds ago

Bele hare Video Seluk :
  • Share
ADVERTISEMENT
SCROLL FILA BA NOTISIA

Notisia Timorpost Seluk


Komentariu :
Timorpost.com. Respeita tebes Ita Nia opiniaun. Laran luak no uza etika bainhira hatoo opiniaun. Opiniaun iha Ita Nia responsabilidsde, tuir lei ITE.

Varanda
Kategoria
Video
Buka
Watch
Facebook
error:
Simu Notifikasaun Hosi Timor Post Online! OK No