DILI (Timor Post)- Negosiante Nuu ne’ebé faan iha Area Jardín Motael nia oin kontente tanba hetan redimentu di’ak.
Negosiante Nuu, Mario Ximenes, hatete fatin ne’ebé sira halo negósiu ne’e, Munisípiu Dili la autoriza, maibé sira kontinua fan tanba nesidade bázika mak obriga sira.
Nia dehan, dala-barak ona mak jestór merkadu duni sira iha fatin ne’e, nune’e dala-ruma foti hotu sira-nia nuu ho sira nia transporte tiga roda, maibé sira kontinua nafatin faan iha ne’e, tanba fatin ne’e mak fan nuu folin.
“Ami faan iha ne’e, tanba fatin Mahon entaun ema halo movimentu iha area Motael nian ne’e barak, nune’e mós fatin jandín entaun ema halo sira-nia atividade hanesan mai hola anin no halo jinastiku, tanba ne’e ami faan iha fatin ne’e, hetan redimentu ho di’ak,” Nia hateten ba Media Online Timor Post iha Jardín Motael, Domingu (24/07).
Nia dehan, nuu ne’ebé sira faan ne’e hola tutan husi ema seluk ho fuan tolu mak ho osan montante 2. USD, hafoin sira faan fali ida ho montante 1.USD.
“Ami faan iha ne’e di’ak, tanba kada loron ami hetan osan montante 30 USD, maibé ami kompara ho ami faan iha area Markoni nia ne’e, fatin loron manas, depois ema ladun hola di’ak no nuu sai maran hotu, entaun pasiensia ami lori fali ba uma,” nia dehan.
Iha fatin hanesan, Negosiante José da Costa, informa sira faan iha fatin ne’e hetan redimentu ona, tanba ne’e husu ba Walikota sira atu la bele duni sira iha fatin ne’e.
“Ami faan iha fatin ne’e, ami mós hanesan ema umanu, banhira kalan ami fila ba ami-nia hela fatin, ami sempre hamos tiha fatin refere hafoin ami fila ba uma,” nia konta.
Enkuantu sira ne’ebé faan iha ne’e, sira kuaze mai husi Munisípiu Baukau.
2,402 total views, 3 views today
Bele hare Video Seluk :