ADVERTISEMENT

Merkadu Laklubar Laiha Kondisaun ba Negosiante Sira

Mario da Costa - Manatuto
Jornalista : Cardenio Alves
Editor : Mário da Costa
  • Share
Kondisaun Merkadu Laklubar, Munisípiu Manatutu, Imajen TP/Cardenio Alves

Manatuto (timorpost.com) – Merkadu Laklubar sai área ekonómia públika no lokál ba komunidade sira, maibé laiha kondisaun ba negosiante sira hodi halo negósiu.

“Ha’u hanesan xefe suku, ha’u preokupa tebes ho area merkadoria liuliu iha Laklubar, tanba fatin ladu’un konduzivu ba komunidade sira atu faan sasán,” hateten Xefe Suku Batara, Tomas Pinto ba Timor Post iha Laklubar, Sábadu (29/10).

ADVERTISEMENT
SCROLL FILA BA NOTISIA


Nia dehan, merkadu sai fatin ekonomia ba komunidade liuliu vendedor no kompradór sira, oinsá lori sasán mai fan no oinsá sosa sasán ne’ebé presiza.

Lee Mós :
PR Horta Hakmaan Nesesidade Bázika ba Família Vulneravel

“Preokupasaun barak mak mosu iha merkadu laklubar, tanba kondisaun estarada mós aat, entaun oinsá mak komunidade sira iha postu seluk bele mai halo bazar iha ne’e, ita sente imposivel atu influensiva ema seluk atu tama mai”, nia preokupa.

Tanba ne’e nia husu ba Governu atu tau-matan netik ba preokupasaun hotu-hotu ne’ebé durante komunidade iha postu laklubar ejize katak, presiza halo reabilitasaun ba merkadu no mós estrada sira.

Lee Mós :
Karreta Fuso Rua Xoke Malu iha Subaun, Ida Monu ba Rai Naruk

Nia dehan, problema sosiál iha postu laklubar la’ós de’it, merkadu, estrada, Bee-moos, tanba ne’e husu ba Governu atu halo desizaun ida hodi klareza ba ezijensia sira.

Iha parte seluk Xefe Aldeia Fatuha, Júlio Soares, hatete merkadu la’ós loke ohin aban taka, maibé loke aban ba oin, signifika presiza halo reabilitasaun nune’e jerasaun oin maibé bele mantein ho kondisaun ida ne’e hodi sustentabiliza moris diária.

“Ha’u triste bainhira Governu laiha hanoin ida atu tau-matan ba kampu ekonomia hanesan merkadu iha Laklubar, tanba ami hanesan komunidade presiza atu halo reabilitasaun, nune’e bele faan sasán ho adekuada,” nia afirma.

Lee Mós :
Merkadu Manleuana Menus Komprador

Ikus nia Sehan, Merkadu tenke iha kondisaun di’ak, tanba merkadu mak moris, merkadu mak osan, tanba ba faan sasán hodi hetan osan, lori osan sustenta nesesidade moris loron-loron.

 2,496 total views,  9 views today

Oinsa Ita nia Reaksaun iha Notisia Nee?
Like
Love
Haha
Wow
Sad
Angry
You have reacted on “Merkadu Laklubar Laiha Kondisaun ba Negosiante …” A few seconds ago

Bele hare Video Seluk :
  • Share
ADVERTISEMENT
SCROLL FILA BA NOTISIA

Notisia Timorpost Seluk


Komentariu :
Timorpost.com. Respeita tebes Ita Nia opiniaun. Laran luak no uza etika bainhira hatoo opiniaun. Opiniaun iha Ita Nia responsabilidsde, tuir lei ITE.

Varanda
Kategoria
Video
Buka
Watch
Facebook
error:
Simu Notifikasaun Hosi Timor Post Online! OK No