(Reportajen Cardenio Alves/Editor Mateus da Cruz)
DILI (Timor Post)- Grupu Vendedór ambulante no ai-leba oan sira iha Dili deklara sei fó sira nia votu ba kandidatu Prezidente repúblika ho númeru sorteiu 8, Lere Anan Timur (LAT) hodi sai prezidente repúblika ba períodu 2022-2027.
“Razaun ne’ebé Ami fo apoiu ba Lere Anan Timur, Tanba Ami haree nia mak bele asegura unidade nasionál ba períodu krusial 2022-2027”, hatete husi Portavós, Fernando F. Gama, iha Fatin Sede Suku Bidau Santana, Domingo, (20/02).
Nia hatete, nu’udar vendedór ambulante no mós hanesan ai-leba nia oan fó apoiu ba Eis Jeneral Lere Anan Timur, tanba durante assume kargu hanesaan Xefe Estadu F-FDTL, konsege asegura estabilidade nasionál maski ho impase polítika ne’ebé naruk.
Grupu Vendedór ambulante sira fiar katak ho Lere Anan Timur bele rezolve hadi’a ekonomia no hakotu impase polítika ne’ebé dada naruk to’o ohin loron.
“Ami fiar katak eis jenerál Lere Aman Timur, sei assume kargu nu’udar prezidente Republika 2022-2027, bele hetan Fila fali esperansa foun, hodi bele fó tempu ba governu atu bele hadi’a ekonomia iha Rai laran ho sustentavel, tanba Ami alerjia ona ba lider partidu polítiku sira ne’ebé hakarak hatún malu tanba de’it sira Nia interese, “deklara. (Lee notisia seluk iha jornal Timor Post/asesu youtube Timor Post)
862 total views, 3 views today
Bele hare Video Seluk :
Subscribe to Timorpost
