DILI, (timorpost.com)— Prezidente Autoridade Munisípál (PAM) munisípiu Dili, Gregório Saldanha, simu relatóriu husi Autoridade Postu Administrativu no xefe suku sira iha kapitál DIli hatudu katak kompañia sira ne’ebé rekolla lixu, servisu la onestu.
Nia hatete, públiku preokupa kona-ba problema lixu iha kapitál Dili tanba ne’e kompañia ne’ebé la onestu autoridade Dili sei fó sansaun.
“Horsehik ha’u hetan relatóriu husi xefe suku sira, administradór postu administrativu sira informa katak kompañia sira mós la servisu onestu entaun implika lixu ne’e la moos. Nune’e mós kompañia balun demora la rahut lixu, balun to’o fulan, ida-ne’e labele, ha’u orineta ona ba kolega sira autoridade iha Dili, atu haree kompañia malandru ami sei foti sansaun ba sira”, dehan Gregório ba jornalista sira hafoin partisipa iha serimónia asinatura asisténsia finansiamentu ba projeitu sira iha embaixada Japaun, Kampun Alor, Sesta, (22/03).
Autoridade munisípiu Dili mós iha semana rua ba kotuk haruka ona karta ba Ministériu Administrasaun Estatál atu aumenta viatura ka karrta tula lixu 100, hodi hein ekipamentu modernu sira agora seidauk book-an ne’e.
“Ami-nia kompromisu maka ne’e, intensifika servisu sira para nune’e lixu ne’ebé la asilera ami deklara ona, Sesta-feira ne’e loron limpeza munisipál Dili, nune’e depois hasai sirkulár ida-ne’e, ha’u hasoru malu ho xefe suku ha’u informa, tenke organiza iha bairru ida-idak halo limpeza no husu ba loja nain Timor ka Xina no seluk-seluk tan tenke hamoos sira-nia uma oin ka loja oin sira, hafoin karreta lixu sira ba raut”, dehan nia.
Autoridade munisípu Dili kompromitidu atu servisu maka’as no tenke koopera ho entidade hotu, liuliu autoridade lokál sira para kombate lixu sira ne’e.
Molok ne’e, Prezidente Repúblika, José Ramos Horta, hatete, kapitál Dili agora idetifika ho kapitál inudasaun tanba de’it balete sira intupidu hotu, governu la impoin orden. Husi problema ne’e see maka sala, populasaun Dili mak sala tanba soe lixu iha mota laran no iha baleta laran, halo uma arbiru iha mota ninin no iha mota laran, klaru hamosu inudansaun.(*)
3,651 total views, 39 views today
Bele hare Video Seluk :
Subscribe to Timorpost
