(Reportájem Suzana Cardoso)
DILI (Timor Post) – “Hau lori hela imi nia terus iha hau nia kakutak. Iha hau nia fuan. Hau promote ba imi, aban bain rua, bain tolu hanesan ne’e sei ba buka dalan bee nian atu soe bee ne’e ba tasi hodi imi bele asesu ba estrada.”
Hateten Lider Nasionál, Kay Rala Xanana Gusmão iha nia vizita dahuluk ba komunidade afetadu hosi udan boot iha loron 4 Abril 2021 iha Lagoa Tasi tolu.
Promesa ne’ebé Xanana promote iha loron 10 Abril 2021, iha nia vizita dahuluk hafoin inundasaun no erasaun iha kuaze Timor laran tomak, no hamate ema besik 40-resin tama ba fulan ida, iha loron 10 Maiu 2021 besik remata.
Fatuk – Lider Karismatik, Kay Rala Xanana Gusmão hamutuk ho komunidade Masau Lidun lalin fatuk hodi ateru estrada, Domingu, (09/05/2021). (Foto kontributor TP)
Ho naran boot Xanana konsege bolu Kompañia Enkanto Weste mai supa bee iha Lagoa tasi tolu too estrada maran. Fornese tanki ho bee moos ba komunidade iha area ne’eba, hamoos foer, suru tahu no ikus mai lalin fatuk hodi ateru estrada.
Iha loron Dominggu, (09/05/2021), Xanana organiza populasaun Masau Lidun iha Lagoa Tasi Tolu hodi lalin fatuk no rai hodi ateru estrada ne’ebé aat, para bele fasilita movimentu transporte no atividade komunidade nian.
Hulan – Kay Rala Xanana Gusmão halo aan hanesan ema babain hodi hulan fatuk ajuda nia komunidade ne’ebé afetadu hosi udan boot iha Fulan Abril foin lalais ne’e. Hamutuk ho komunidade Masau Lidun, Kay Rala Xanana Gusmão lalin fatuk hodi ateru estrada, Domingu, (09/05/2021). (Foto Kontributor Timor Post)
Xanana Gusmão ne’ebé besik ona idade 75 (Moris iha loron 20 Juñu 1946) ne’e la senti kole. Fuuk mutin hafalun idade besik ulun Ualu ne’e, durante besik fulan ida, Masau lidun nu’udar toos no natar ba servisu.
Tanba domin ne’ebé boot ba nia ema sira, Xanana la senti kolen. Dader too kalan, servisu hanesan atan hamutuk ho komunidade iha Masau Lidun durante fulan ida, ikus mai komunidade Masau Lidun senti duni nia rezultadu. Estrada para bele halo movimentu tama no sai Dili mós besik remata ona.(Lee notisia seluk iha jornal Timor Post)
1,086 total views, 3 views today
Bele hare Video Seluk :
Subscribe to Timorpost
