Hu byDILI—Ministru Prezidénsia Konsellu Ministru, Fidelis Manuel Leite Magalhães, hatete Kuarta (22/03), Konsellu Ministru (KM), aprova lei ida hodi antesipa ba desmantelamentu (pembongkaran), kampu Bayu-Undan.
Nia hatete, ida ne’e la’ós planu governu nian hodi desmantelamentu ba mina ne’e, maibé planu depende ba mina ne’e kuandu nia faze hotu ona.
“Kuandu operadór dehan hotu ona ita desmantela, agora ho kuadru legal ida ne’e, importante ita pasa agora para antesipa nia vida espetativa moris ne’e tun ona”, nia hateten hafoin KM iha Palásiu Governu, Kuarta (22/03).
Nia dehan, se tun entaun la kleur tama iha faze desmantela ne’e, maibé ne’e parte tékniku sira mak hatene liu, hanesan Ministériu Petróleu no Minerais (MPM), no Autoridade Nasionál Petróleu no Minierais (ANPM).
Tuir nia katak, prosesu kontinuasaun ba Kampu Bayu-Undan ne’e, se nia la sala nia prosesu tinan ualu karik nia durasaun halo desmantela sasán hirak ne’e.
Governante ne’e hatete, ho vida ba kampu Bayu-Undan nian, maka iha suru mutuk KM aprova mós projetu Dekretu-Lei, ne’ebé aprezenta husi Ministru Petróleu no Minerais, Víctor da Conceição Soares, kona-ba Kondusaun Atividade Desmantelamentu iha Kampu Bayu-Undan nian.
Produsaun husi kontratu rua partilla produsaun ne’ebé asina entre membru sira ‘joint-venture’ ba Bayu-Undan no Autoridade Nasionál Petróleu no Minerais (ANPM) ne’e remata, presiza halo desmantelamentu ba plataforma, estrutura, gazodutu, ka oleodutu hotu, no estrutura no ekipamentu sira ne’ebé asosia, iha termu ne’ebé prevee iha kontratu partilla produsaun nian.
Dekretu-Lei ne’e ninia objetivu hodi estabelese rejime jurídiku ida ba ezersísiu Atividade Desmantelamentu iha Área Kontratu no iha territóriu Terrestre Timor-Leste nian, hodi garante simultáneamente protesaun saúde, seguransa no ambiente Timor-Leste no ba ninia povu.
1,469 total views, 6 views today
