ADVERTISEMENT

Pé. Anacleto: Orasaun no Asaun Tenke La’o Hamutuk Iha Moris

Mario da Costa - Relijiaun
Reportajen : Estaziada Ermelida Caet
Editor : Mário da Costa
  • Share

DILI (Timor Post)-Padre Anacleto Pires, hatete orasaun no asaun tenke la’o hamutuk atu nune’e metin nafatin iha fiar nu’udar sarani iha ida- idak ninia moris lor- loron.

Nia hatete, iha Santo ne’ebé hatete Ora Et Labora, katak reza no servisu tenke la’o hamutuk. Portantu ohin istoria ne’ebé hatete ida seluk hanoin atu sai Santo ba iha dezertu no harohan de’it, dezertu, dezerva no konserta de’it, maibé iha seluk fali São Petrus ho ninia moris ne’ebé simples, maibé kontente iha ninia moris lor-loron no sai naderozu hamutuk hodi kontente.

Nune’e liuhusi asaun karidade nian mak Maromak dehan nia Santo no mós santidade iha dalan rua ne’e kompostu husi orasaun no asaun.

“Domingu ita mai rona Maromak nia liafuan tanba ita hanesan Maria ne’ebé rona Jesus liuhusi leitura sira ne’ebé ita rona. Buat ne’ebé ita rona, iha esperensia, no ita simu iha misa Domingu-Domingu tenke konkretiza no realiza iha ita-nia moris lor-loron, atu nune’e ita-nia moris bele kontente “, nia omilia iha Igreja Nossa Senhora de Graças Tasi-Tolu, Domingu (17/07).

Lee Mós:
Veteranu Likisá Rekomendadu Harii Eskola

Nia dehan, los duni ba maluk sarani sira hotu, iha ne’e la’os rona de’it maromak nia liafuan maibé mós implementa maromak nia liafaun iha ita-nia moris lor-loron.

Ida ne’e maka mensajen ba ida-idak iha semana ida ne’e, ne’ebé hatete los duni orasaun no asaun ne’e la’o hamutuk.

“Tanba ne’e mai ita reza iha misa ida ne’e hodi nune’e Nai Maromak fó tulun ba ita ida-idak no loke ita-nia neon no ita-nia laran atu nune’e ita metin nafatin ita-nia fiar nu’udar sarani liuhusi orasaun no asaun.

Lee Mós:
Dom Virgilio: “Loron ida atu agradese ba Maromak”

Na’i Lulik ne’e hatutan, rona maromak nia liafuan no mós buka fraternidade konkretiza ba iha ida-idak nia moris lor- loron nian.

 607 total views,  9 views today

Oinsa Ita nia Reaksaun iha Notisia Nee?
Like
Love
Haha
Wow
Sad
Angry
You have reacted on “Pé. Anacleto: Orasaun no Asaun Tenke La’o…” A few seconds ago
  • Share
ADVERTISEMENT
SCROLL FILA BA NOTISIA


Notisia Timorpost Seluk


Komentariu :
Timorpost.com. Respeita tebes Ita Nia opiniaun. Laran luak no uza etika bainhira hatoo opiniaun. Opiniaun iha Ita Nia responsabilidsde, tuir lei ITE.

Varanda
Kategoria
Video
Buka
Watch
Facebook
error: