BOBONARU—Partidu Frente Revulusionariu Timor-Leste Independente (FRETILIN), preokupa ho estandarte saláriu mínimu traballadór timoroan sira ne’ebé ki’ik tebes no laiha balansu ho vida moris ohin loron nian ne’ebé karun.
“Ohin loron hotu-hotu hanoin hetan ona fatin servisu di’ak ida, joven sira halo buat hotu para atu manan buat barak ne’e tanba salariu rasik la sufisiente, salariu ki’ik vida karun, ita presiza hadi’a”, Sekretariu Jerál Partidu Fretilin, Mari Alkatiri, hato’o preokupasaun ida ne’e ba militante no simpatizante Fretilin iha komisiu dalima iha Kampu Futebol Maliana, Sábadu, (29/04).
Nia hatete, presiza halo ekonomia ida balansu entre salariu ho folin sasan, tanba dala barak akontese bainhira hasa’e saláriu traballadór sira nian, emprezariu sira mós aproveita buka hasa’e folin sasan hotu-hotu, entaun sei la rezolve problema.
“Ita tenke hala’o ekonomia ida ke hasa’e salariu tenke sufisienta para atu moris”, Alkatiri hateten.
Nia haktuir, bainhira Fretilin ukun sei tau konsiderasaun atu haree iha balansu entre salariu ho folin sasan sira iha rai laran.
“Dala barak ita dehan salariu minimu ne’e la to’o para atu moris, ne’e loos la to’o duni, ,”katak Alkatiri.
Maibé se aumenta salariu minimu, la aumenta hasa’e produsaun, dependensia de’it produtu husi liur maka aumenta salariu ne’e nafatin osan laiha folin tanba folin sasan sempre aumenta barak.
“Salariu minimu tenke aumenta maibé folin produtu sira ne’e mós aumenta, entaun aumenta salarial ne’e la halo politika integradu liga ba dezenvolvimentu la rezolve problema”, nia esplika.
9,133 total views, 6 views today
Bele hare Video Seluk :