DILI (Timor-Post) – Eskuteiru ho Opamean sente kontente no orgullu, tanba Papa Francisco, hili ona Arsebispu Dom Virgílio do Carmo da Silva SDB, sai Kardeál dahuluk iha Timor-Leste.
Xefe Agrupamentu Kurina Balide, Laura Soares Abartos, hatete hodi korpu eskuteiru katólika iha Territóriu Nasionál nia naran, hakarak hato’o parabéns ba Dom Virgílio Kardeál do Carmo da Silva, tanba Timor-Leste foin dahuluk.
“Eskuteiru hotu-hotu sente orgullu no haksolok tebes-tebes ba ita-nia Arsebispu hetan orden husi Papa Francisco hodi hetan Kardeál, entaun ita hotu-hotu hanesan sidadaun Timoroan sente orgullu, forsa boot no kontente tebes,” nia hateten iha igreja Katedrál, Segunda (05/09).
Nia Sehan, ne’e hanesan liurai ida ne’ebé foin primeira vez iha istória Timor-Leste nian.
“Hanesan jerasaun ita sira ne’e sei toman no hetan netik Dom Virgílio, sai primeiru Kardeál ba Istória povu Timor-Leste,” nia hakotu.
Iha fatin hanesan Membru Opamean, Daniel Moniz, hatete sira parte sente Orgullu loos, tanba Timoroan foin mak, Papa francisco delega sai primeiru Kardeál.
Ikus nia dehan, la’ós opamean de’it, maibé sarani timoroan katólika porsentu 97, sente Orgullu loos ho Arsebispu Dom Virgílio do Carmo da Silva sai kardeál dahuluk iha Timor-Leste.
Teresa Guterres, nu’udar sarani hosi Dioseze Baukau, espresa sentimentu kontente ho Timor Leste bele iha ona Kardeál ida.
“Ha’u kontente tanba ita nasaun ki’ik foin ukun an, maibé Papa Francisco bele timoroan Dom Virgílio do Carmo da Silva, sai Kardeál dahuluk Timor-Leste”, nia afirma.
1,970 total views, 9 views today
Bele hare Video Seluk :
Subscribe to Timorpost
