Estadu Sei Buka Autór Orienta Sidadaun Sira Ba Palásiu Prezidensiál

Mario da Costa - Jeral
Reportajen : Mariano Abi
Editor : Asisten Hermenegildo da Costa Tilman
  • Share

Dili (Timor Post) – Prezidente Repúblika (PR), liuhusi Asesór Asuntu Polítiku, Prezidensia Repúblika, Tomas Cabral, hateten sei buka tuir Autór ne’ebé orienta sidadaun sira hato’o proposta ba Palásiu Prezidensiál.

Nia hatete, foin ko’alia mós ho Prezidente Repúblika, José Manuel Ramos Horta, nia husu katak, se ema ruma hanoin halo aktu ida ne’e, ne’e sala tanba Palásiu Prezidensiál no Prezidente Repúblika nia papél hodi kontrola funsionámentu Estadu.

ADVERTISEMENT
SCROLL FILA BA NOTISIA

“Ohin Prezidente dehan kedas no nia hatene see mak haruka mai, tenke buka tuir, tanba saida, no motivu saida. Se ita hotu hatene situasaun atuál ne’e tanba sá mak ida ne’e akontese. Tanba depois Prezidente sai tiha iha semana kotuk, iha reuni atu buka tuir ema ida ne’ebé mobiliza sira ne’ebé iha ne’e” nia dehan liuhusi koferensia imprensa iha Palásiu Prezidensiál Bairru-Pité, Tersa (26/07).

Lee Mós:
Ex-padre acusado de abusos sexuais em Oé-Cusse em prisão preventiva

Nia subliña, Prezidente Repúblika akompañia atividade Prezidensiál nian durante fulan rua nia laran, haree no tetu, prezensa komunidade nian iha resintu Prezidensiál, ne’ebé aumenta loron-loron, ligado ba jovens estudante sira, feto no mane, inan – aman balun, hodi halo aproximasaun atu hatama proposta ba Prezidente hodi bele hetan tulun ruma ba sira-nia nesesidade.

“Konsidera katak, Prezidensia Repúblika nu’udar orgaun Estadu número um (1) nian, ho nia papél atu garante kumprimentu ba Konstituisaun, garante unidade no estabilidade Nasionál, no promove desenvolvimentu funsaun instituisaun demokrátika Estadu nian, no atu mantein fiel kumprimentu ba knaar Estadu tomak nian, no respeita ba separasaun poderes,” nia relata.

Iha fatin hanesan Adjunta Xefe Casa Sivíl Prezidénsia Repúblika, Henriqueta da Silva, haktuir laiha orientasaun Polítiku ida ba komunidade sira atu hato’o proposta ba Prezidensia Repúblika.

Sidadaun Sira konsentra iha Palásiu Prezidensiál, Hodi hatama proposta. Imajen Esp.

“Iha ne’e laiha orientasaun polítika ida ba iha Komunidade sira atu hato’o proposta, laiha mós sirkulár ruma ne’ebé mak hasai ofisialmente ba iha Komunidade sira, ou estudante sira atu mai husu bolsa estudu iha ne’e,” nia afirma.

Lee Mós:
PSIK Detein Sidadaun Ida Hatama Osan Falsu

Nia hatutan, agora ne’e, porvolta rihun 6 proposta ne’ebé hatama ona iha ne’e, maibé husi parte sira nian sei haree kona-ba ida ne’ebé mak atu kanaliza ba Ministériu Solidariedade Sosiál, se proposta ne’e karik liga ba infraestrutura, sei kanaliza mós ba Ministériu Obras Públika, no seluk karik sei kanaliza ba iha ne’eba mós.

Pedidu barak maka tama ona iha Presidênsia, no liuhusi diskusaun no avaliasaun téknika, no liuhusi orientasaun Superior Prezidente Repúblika, atu organiza pedidu sira ne’e, hodi re-enkamina ba instituisaun relevante atu bele fó resposta.

“Prezidente Repúblika laiha Orsamentu sufisiente atu atende, proposta ne’ebé mai ho rihun 6,” nia realsa.

Asesor ne’e subliña, husi rihun neen ne’e sei identifika atu hatene ninia motivu maka foin halo kanalizasaun atu nu’une’e bele informa sai, tanba sira mak hanesan sosiedade Estadu nian.

Lee Mós:
Apenas 1.600 reprovações nos exames nacionais

“Ita sei iha hela prosesu inisial, ne’e mak ami mai atu klarifika, situasaun ne’e ita la bele responde kedas. Kestaun sira ne’e Prezidente sei rezolve iha ninia situasaun tuir medida ne’ebé iha. Ohin nia dehan ona katak, rihun neen ne’e, ita sei identifika no kanaliza, nu’une’e mak ita foin informa ba sira, tanba sira mak hanesan sosiedade Estadu nian, sira mós iha obrigasaun atu rona saida mak ita hato’o, mais ida ne’e mak depois ekipa tekniku mak halo analiza,” nia hakotu.

 357 total views,  3 views today

Oinsa Ita nia Reaksaun iha Notisia Nee?
Like
Love
Haha
Wow
Sad
Angry
You have reacted on “Estadu Sei Buka Autór Orienta Sidadaun Sira Ba …” A few seconds ago
  • Share

Notisia Timorpost Seluk


Komentariu :
Timorpost.com. Respeita tebes Ita Nia opiniaun. Laran luak no uza etika bainhira hatoo opiniaun. Opiniaun iha Ita Nia responsabilidsde, tuir lei ITE.

Live Streaming
Live Streaming TImor Post TV
x
Varanda
Kategoria
Video
Buka
Watch
error: