Dili (Timor Post.Com)—Ministeriu saúde liu husi fundus husi United States Agency international Development (USAID) no Fundu Nasaun Unida ba labarik (UNICEF) halo lansamentu ba projetu orsamentu apoiu Timor-Leste ba prevensaun hodi responde ba COVID-19- Faze da-haat.
“Ohin ita hamutuk iha ne’e atu lansa projetu apoiu orsamentu husi USAID ba UNICEF atu halo prevensaun hodi responde ba COVID-19 faze da-haat iha Timor-Leste. Entretantu orsamentu ne’ebé iha ba apoiu ne’e hamutuk millaun 1,35 USD”. Dehan Vise Ministru Fortalesimentu Institusionál Saúde, José dos Reis Magno ba Jornalista sira iha Palasiu das Cinzas (09/11).
Vise Ministru ne’e haktuir, atividade ne’e kontinuasaun de’it ba programa sira ne’ebé mak realiza ona durante iha pandemia Covid-19 liu ba.
“Lansamentu ba faze dahaat sei tulun atu mantein dinámika hodi prepara pais ne’e hasoru dezafiu sira iha futuru mai”.
Nia dehan, ida ne’e inklui mobilizasaun komunitaria ne’ebé intensifika ona ajuda atu halo populasaun tomak fiar katak importante tebes atu halo tuir hahalok xave sira hanesan distánsia sosiál, uza máskara, ijiene liman no buka kuarentena no izolasaun bainhira identifika saúde la di’ak.
“Programa ida ne’e ajuda nasaun atu nafatin luta hodi kombate virus Covid-19 husi vasina ne’ebé adekuadu.
666 total views, 12 views today
Bele hare Video Seluk :
Subscribe to Timorpost
