LISBOA, (timorpost.com)—Prezidente Republika (PR), Jose Ramos Horta, Kuarta (24/04/2024) hasoru malu ho nia omologu, Marcelo Rebelo de Sousa, diskute kona ba relasaun bilateral entre pais rua.
Prezidente Repúblika Jose Ramos Horta hatete relasaun Timor-Leste ho Portugal la’os de’it ba istoria maibe, maibe tanba mós Portugal nia kontribuisaun makas ba iha luta libertasaun no susesu luta ba auto determinasaun.
“Portugal nia kontribuisaun makas ba ita nia susesu luta ba auto determinasaun. Portugal hahu kedas 1975 ate 1976, abandona tiha luta Timor-Leste nian ba auto determinasaun, ha’u la fiar ita nia luta diplomátika bele susesu, liu-liu banhira Portugal, tama iha uniaun Eropia, tanba hahu iha 1975, Portugal mos fraku, foin mak sai husi ditadura, iha problema estabilidade oin-oin iha Portugal rasik, wanhira to’o 1987,”dehan PR ba jornalista sira iha Otel Intercontinental Lisbon, Kuarta Kalan (24/04).
Nia konta katak, iha primeiru governu, maioria absoluta husi professor, maka hahu prortugal politiku kona ba Timor-Leste, diplomasia kona ba Timor-Leste, komesa, ate momentu ne’eba. Tanba Timor-Leste tama iha CPLP, hahu kedas ho independénsia, ne’ebe representa pais lubuk ida, lingua Portuguesa, maibe ita rejiaun Sudeste Aziatiku, ita la’os Afrika no ita laos Europa, maibe ita rejiaun Sudeste Aziatiku.
Ne’e duni, hahu independénsia, 2002, nia pesoalmente nu’udar Ministru Negosiu Estrajeiru no Kooperasaun, depois Primeiru-Ministru no Prezidente Repúblika, no agora kontinua mandatu Prezidente Repúblika ba dala rua tan. Entaun sempre hare adezaun ba ASEAN hanesan perioridade númeru um ba Timor-Leste, tanba Timor iha Sudeste Aziatiku, maibe, nunka bele haluhan, relasaun istoriku, maske ita bele sudeste Aziatiku no ita bele Asian, maibe protugal, uniku membru CPLP iha uniaun Eropia, Portugal nian relasaun Europa ne’e metin los no diak, ho Amerika.
“Tanba ne’e, ita interese nasionál, atu hametin nafatin relasaun Portugal, se ita relasaun Portugal la diak ka la metin, paizes sira hanesan uniaun Eropia sira mos komesa fuan malaria ba Timor-Leste, ne’e duni, laos interese no balun hatete nostaljia, maibe lae, interese nasional. Tanba ne’e, konvite mai husi Prezidente Repúblika Portuguesa, enkontru ho nian sempre ho amizade no kalor umanu, importante ba ita nia interese nasionál no ita polítika diplomatika,”akresenta PR Horta.
Aleinde Prezidente Republika nee hateten, Ohin enkotru ho Prezidente Asembleia Repúblika, Jose Aguinar-Branco, koalia liu kona ba potensial para Portugal, no aumenta nia presenza komersial, ekonomia iha Timor-Leste.
“Bainhira ita Timor-Leste izoladu mes-mesak, ita nia populasaun 1 milaun Quatru centos mil, ita nia ekonomia kiik los, mezmu Timor-Leste bele sai riku boot ba futuru, hetan tan mina no gas, ita la hatene, banhira Greater Sunrise hahu desenvolve ita la hatene, mezmu realidade Timor-Leste nia ekonomia sempre kontinua 1 milaun Quinetos mil, la’os merkadu ida importante, maibe ita tama ASEAN, merkadu 700 milloes, ne’e sognifika, Timor-Leste sai hanesan atraksi ba investimentu. Timor-Leste bele sai hanesan armazen boot ida ba karga, hanesan Singapura, nia produsaun industrial ne’e los, boot tanba rai kiik tebes-tebes, no kiik liu Timor-Leste, entaun la iha produsaun industrial boot,”dehan PR Horta.
Nia dehan, Singapura hanesan, armajen mudial ida, karna lubuk ida hotu-hotu, no toledas milloes ba miloes, ba para iha Singapura hotu, Singapura fahe ba mundu. No Timor-Leste mos bele sai hanesan armaje boot ida, hanesan Dubay, Timor-Leste bele sai futuru armajen boot ba produtu Portugues, Portugal no industria, estandar uniaun Europia, industria farmazia, medikamentu, ekipamentus mediku no sira produtu alimentar ne’ebe kualidade modal iha mudial, Portugal agora hanesan famozu iha mundu kona ba modal.
“Tanba ne’e, sira mos intersavel merkadu ASEAN 700 milloes, entaun Timor-Leste sai hanesan armazem boot ida, ida ne’e mak ha’u koalia hodi aprezenta ideias,”haktuir PR Horta.
1,569 total views, 27 views today
Bele hare Video Seluk :
Subscribe to Timorpost
