DILI, (timorpost.com)—Bombeiru Timor-Leste, Kinta (25/04/2024), iha Diresaun Nasionál Protesaun Sivil Kaikoli Dili, Selebra ninia Aniversáriu ba ruanulu-resin-haa, ho ninia Lema “Bombeirus teknikamente Preparadu, Disiplina, Sosiedade iha Dedikasaun Profisionalizmu no Uza Mekanizmu Ne’ebé Adekuadu Hodi Halo Atendimentu ba Sidadaun Tomak iha Timor Leste”.
Sekretáriu Estadu Protesaun Sivil (SEPS), Domingos Mariano Reis hatete, Ezistesia Bombeiru atu atu servi no proteze povu Timor leste husi ameasa dezastre natural nian, tantu dezastre terrestre, Aero no maritima.
“Hakarak parabeniza Bombeiru Timor-Leste ne’ebe ohin eziste ona ba tinan 24. Ita presiza mantein profisionalizmu Bombeiru nian. Prontu 24 oras hodi responde ba nesesidade povu liu-liu ba ameasa dezastre natural, tantu dezastre terrestre, Aero no maritime”. Dehan Sekretáriu Estadu Protesaun Sivil (SEPS) Domingos Mariano Reis, ba jornalista sira iha edifisiu APC.
Governante ne’e hatutan, iha tinan ruanulu-resin-haat nia laran ita tenta dezenvolve nafatin instituisaun Bombeiros iha ita nia rai, hodi hatan ba situasaun real ne’ebe akontese iha teritoriu nasional ne’e.
“Agora daudauk membru Bombeiru hamutuk 418 ne’ebé kolokadu iha 13 Munisípiu, intermu de kapasidade Finanseiru maske kiik maibé tenki la’o ba oin”. Nia informa.
Maske fasilidade hanesan transporte, no ekipamentu seluk sei minimu, maibe ita tenke servisu.
“Ita iha planu 2024 atu monta tan postu hitu iha Timor-Leste liuliu ba área protejidu sira hanesan Ramelau, Bobonaro, Atauro, Uatukarbau no Natarbora.
Ho oportunidade ida ne’e, hakarak, fó parabéns ba Bombeiros Timor-Leste sira tanba ohin komemora loron espesiál Bombeiros Timor-Leste nian, “ita hotu hatene katak dezenvolvimentu Bombeiros nian tenke bazeia ba iha planu ida no nesesidade ida, katak bainhira dezenvolvimentu ne’e la’o maka’as maka Bombeiros ninia servisu ne’e mós sa’e maka’as, tan ne’e prezensa Bombeiros nian ne’e importante tebe-tebes.
“Dala ida tan, ha’u lori IX Governu Konstitusionál nia naran hato’o parabéns ba ita-boot sira tan ita-boot sira maske ho kondisaun ne’ebé minimu tebes,maibé ita-boot sira fó laran duni hodi servisu ba povu ida ne’e no rai ida ne’e”. Hakotu.
1,731 total views, 3 views today
Bele hare Video Seluk :
Subscribe to Timorpost
