DILI, (timorpost.com)—Komandante Departamentu Pesoál no Formasaun, Superintendente Xefe Polísia Arquimíno Ramos hatete rekrutamentu ba kandidatu foun PNTL tinan ne’e sei iha mudansa kriteria teste ba kandidatu feto hodi atinje númeru 30%.
“Ha’u hanoin, rekrutamentu ba membru PNTL foun ne’e, partisipasaun feto ne’e menus, tanba ne’e mak kritériu ba feto sira tenke hamenus uitoan ba teste fízika nian ne’e, se lae tinan-tinan ita regra rekrutamentu ne’e tau hela 30% ba feto, maibé tinan-tinan rekrutamentu dala rua lao tiha ona ne’e, ita la atinje,” nia akresenta. dehan Arquimíno Ramos ba jornalista sira hafoin remata abertura ba treinamentu iha edifísiu UEP Bairru Pite, Segunda (06/05).
Komandante ne’e mos haktuir, liga ba rekrutamentu kandidatu foun PNTL seidauk bele pronunsia lolos data tanba Komandu Jerál seidauk simu despaxu husi Ministériu Interior.
“Too agora ami seidauk simu despaxu husi Ministériu Interior, liga ho rekrutamentu ba membru PNTL foun, maibé ami prepara regra no prosedimentu sira ne’e, aprezenta ona ba iha Ministru Interior, liu-husi komandante Jerál PNTL,” dehan Arquimíno
Nia haktuir sei iha mudansa kona ba regra sira.
“Ha’u la bele pronunsia uluk kona ba regra saida-saida, maibé ha’u hakarak hatete katak iha duni mudansa ba regra sira, hanesan ba idade sira ne’e presiza iha mudansa, nune’e mós rekrutamentu uluk ne’e eskola Pre-Sekundária, eskola Primeira ka SMP bele kompete iha rekrutamentu ne’e, maibé agora regra foun ne’e minimum tenke eskola sekundária mak bele kompete vagatura ne’e,” nia afirma.
843 total views, 15 views today
Bele hare Video Seluk :
Subscribe to Timorpost
