DILI (timorpost.com)—Relasiona ho kazu pesoál Servisu Nasionál Intelénsia (SNI) ne’ebé tiru joven ida iha Munisípiu Covalima agora daudaun submete ona ba prosesu investigasaun.
Komandante Jerál Polísia Nasionál Timor-Leste (PNTL) Komisáriu Jerál Polísia, Henrique da Costa, hatete kazu ne’e agora daudaun submete ona ba prosesu investigasaun.
Tuir kronolojia insidente ne’e akontese, iha loron Kuarta (01/5) horisehik maizumenus tuku 20:00 kalan iha pesoál ida husi Servisu Nasionál Intelejensia ho arma tiru kanek joven ida Munisípiu Covalima motivu hosi kazu ne’e seidauk hatene loloos.
“Ita foin hetan mak informasaun inisiál de’it katak iha insidente ida iha Covalima, envolve husi ita-nia pesoál servisu sekretu ida, maibé motivu ne’e ita seidauk hetan tanba sei iha hela prosesu depois hetan mak Portavóz Komandu PNTL sei aprezenta ba ita boot,” Hateten Henrique da Costa, ba jornalista sira hafoin simu vizita delegasaun Badan Nasionál Narkótika (BNN) Repúblika Indonézia iha Kuartél Jerál PNTL Caicoli, Kinta (02/05).
Komisáriu Jerál PNTL ne’e hateten, hafoin akontesimentu Komandu Jerál PNTL orienta kedas Komandante Munisípiu Covalima Superintendente Polisia, Calisto Gonzaga, hodi tun ba iha terenu observa fatin akontesimentu.
“Depois de insidente ha’u hetan kedas kontaktu husi Komandante Munisípiu Covalima no depois de ida ne’e ita orienta kedan Komandu Munisípiu Covalima hodi konfirma kona-ba iha informasaun ne’ebé mak iha. Hafoin Komandu Munisípiu Covalima tun ba iha terenu, nia haree iha duni akontesimentu iha fatin rua nune’e nia ho nia membru sira normaliza kedan situasaun iha fatin ne’ebá no nia identifika duni katak iha duni membru ida servisu sekreta mak envolve iha insidente ne’e,” informa nia.
Kamandante ne’e haktuir, hafoin akontesimentu laiha asaun ne’ebé pertuba orden públika, tanba Komandu PNTL Colvalima ho nia membru sira asegura tiha kedan fatin akontesimentu.
“Komandu Munisípiu normaliza kedas situasaun no situasaun iha fatin akontesimentu aseguradu. No depois de ida ne’e, ita mós informa kedan situasaun ne’e ba iha Diretór Jerál Servisu Nasionál Intelejénsia ho mós Xefe Estadu Maiór Jenerál F-FDTL para sira mós hatene,” esplika nia.
Komisáriu ne’e la hatene Pesoál SNI ida ne’ebé mak envolve loos iha insidente ne’e tanba polísia sei halo hela prosesu investigasaun ba kazu ne’e.
“Ha’u hakarak hateten dala ida tán ba kazu ida ne’e polísia agora sei halo hela prosesu investigasaun,” fundamenta nia.
852 total views, 12 views today
Bele hare Video Seluk :
Subscribe to Timorpost
