DILI, (timorpost.com)— Komandu Polísia Nasional Timor-Leste ( PNTL), Munisípiu Lautém asegura seguransa ba festa Páskua durante semana ida-ne’e nia-laran.
Komandate PNTL munisípiu Lautém, Superintendente Polísia, João da Costa, hatete, liga ba preparasaun ba festa Páskua nian, Komandu PNTL munisípiu Lautém ho nia estrutura tomak inklui postu administrative sira prontu atu asegura.
“Ami preparadu atu asegura festa Páskua, hahú kedas husi Domingu Ramos to’o iha Páskua ka Domingu resurisaun, ami prontu para asegura festa ida-ne’e, para sarani sira hotu-hotu bele partesipa misa ho di’ak no hakmatek iha ambiente pás nia-laran”, dehan Komandante PNTL munisípiu Lautém, Superintendente Polísia, João da Costa, ba Timor post, Kinta, (28/03).
Nia hatutan, “Ami fiar katak, ami-nia populasaun no ami-nia komunidade Lautém sei koopera ho PNTL hodi halo seguransa para garante estabilidade iha munisípiu Lautém”.
Entretantu, liga ba iha rekursu umanu, barak ka uitoan PNTL prontu para asegura seguransa ba komunidade iha munisípiu Lautém tomak.(*)
1,854 total views, 6 views today
Bele hare Video Seluk :