DILI, (timorpost.com)—Durante fulan Abríl nia laran Polisia Nasionál Timor-Leste husi Unidade Tránzitu Seguransa Rodoviariu rejista asidente tráfegu hamutuk 174, husi total ne’e na’in sia (9) mate, 30 kanek todan, no na’in 184 kanek kaman.
Xefe Departamentu Tránzitu Seguransa Rodaviariu Nasionál (DTSRN) Superintendente Asisténsia Polisia Luis da Costa hato’o asuntu ne’e ba jornalista sira iha knaar fatin edifísiu Polisia Tránzitu Nasionál, Kaikoli, Segunda (06/05).
“Dadus asidente tráfegu ne’ebé, ita rejista iha fulan Abríl tinan ne’e, hahú iha dia 01 ate too 30 fulan Abríl tinan 2024, ita rejista hamutuk 174, husi 174 ne’e ema lakon vida nain-9, kanek todan nain-30 no kanek kaman 184, ne’ebé mak akontese iha Territóriu Timor-Leste,” dehan nian.
Komandante ne’e hatete, husi kazu 174 ne’e sira konsege finaliza ona iha Tribunal hamutuk sia (9), no mós sei iha prosesu nia laran hamutuk 66, no rezolve entre infratores iha tereinu ne’e hamutuk 97″ dehan nian.
Nia dehan, kauza husi asidente ne’e rasik mak fatór umanu, ida ne’e kontribui makas.
“Tuir observasaun, ne’ebé ami polisia tránzitu identifika katak, fatór ne’ebé kontribui makas ba kazu asidente tráfegu ne’e maka fatór umanu “. Hakotu.
600 total views, 3 views today
Bele hare Video Seluk :
Subscribe to Timorpost
